رەئیسی وینەی سولەیمانی لە بارەگای نەتەوە یەکگرتگەیل بەرزەو کەێد و دوای سزادان ترەمپ کەێد

Category: هــــه‌واڵ جیــهانى

Date: 2022-09-21T15:23:19+0000
رەئیسی وینەی سولەیمانی لە بارەگای نەتەوە یەکگرتگەیل بەرزەو کەێد و دوای سزادان ترەمپ کەێد

شەفەق نیوز/ ئیبراهیم رەئیسی سەرۆک ئیران، ئمڕوو چوارشەممە، وینەی قسم سولەیمانی فەرماندەی فەیلەق قودس لە سوپای پاسدران ئیران بەرزەو کرد.

رەئیسی لە وتارەگەی لە کۆمەڵەی گشتی نەتەوە یەکگرتگەیل لە ئەمریکا وت: کەسیگ جویر سلێمانی جەنگ تیرۆر نەکرد، و داوای سزادان دۆناڵد ترەمپ سەرۆک وەرین ئەمریکا کرد ک فەرمان کوشتنی دا.

وتیش: ناکۆکیەیل وەجەنگ چارە نیەکریەن، وەلێ وە گفتوگۆ، جەنگەیل گرفتەیل چارە نیەکەن وەلێ گفتوگۆ تاوانای ئەوە دیرێد، و هەر دووپات لەبان گرنگی هاوکاری ناوبەینمان  ئەرا دەوڵەتەیل ناوچەگە کردیام.

هەمیش وت: ئیمە پەیوەندی وەرد گشت دەوڵەتەیل جەهان خوازیمن وەتایبەت دەوڵەتەیل هاوسا، و دیاری کرد ک ئاسایش ناوچەگە بایەتە لەناوی پەیا بوود نەگ لە دەیشتی، و یەسە ک ئەرا دەوڵەتەیل هاوسا دووپاتی کردیمن.

سەرۆک ئیرانی وتی: ئەرا هاوسەیلمان دووپات کردیمن ک ئاسایش هەرێمی بایەتە لەناو بوود، و نەبایەت لە دەیشتەو باێد، و سەهیۆنست ک داگیر قودس کردیە نەبایەت لە ئاسایس هاوبەش بوود.

رەئیسی وتیش: تەقەلای دروسکردن چەک ئەتۆمی نیەیمن و نەیش خوازیمن بکەفێدە دەسمان، و لە باوەڕمان شوینیگ ئەرا ئی چەکە نییە، و کۆمار ئیسلامی نیاز دروسکردن چەک ئەتۆمی نەیرێد، و هویریش وەوە نیەکەیمن، ئەوەیش لەبان فتوای ریبەر شۆڕش وە حەرامکردنی.

دیاری کرد ک کۆمار ئیسلامی رێککەفتن ئەتۆمی لە ساڵ ٢٠١٥ واژوو کرد و پابەند وە گشت بەندەیلی بوی و جیوەجییان کرد، باوجی کەفتە وەر کیشانەوەی ئەمریکا لەلی، وتیش: ئیران رێککەفتنەگە وە نیاز پاکی واژوو کرد، و گشت پابەندیەیلی جیوەجی کرد، باوجی ئەمریکا خستەی ژیر پا.

related

مۆبایل دەس دۊیەت سولەیمانی مەردم تیارێدە قسە

Date: 2022-01-04 11:26:49
مۆبایل دەس دۊیەت سولەیمانی مەردم تیارێدە قسە

رەئیسی رەسێدە ئیلام فەیلی

Date: 2021-09-24 11:36:33
رەئیسی رەسێدە ئیلام فەیلی

سەرۆک ئیران سەردان نیویۆرک کەێد و چەوی نیەکەفێدە بایدن

Date: 2022-09-18 08:00:56
سەرۆک ئیران سەردان نیویۆرک کەێد و چەوی نیەکەفێدە بایدن

لەسای ناڕەزایەتیەیل ئیران.. رەئیسی داوای رەفتار تون وەگەرد پیشەلکارەیل ئاسایش گشتیکەێد

Date: 2022-09-24 11:57:56
لەسای ناڕەزایەتیەیل ئیران.. رەئیسی داوای رەفتار تون وەگەرد پیشەلکارەیل ئاسایش گشتیکەێد

واشینتوت توومەتبار تەهران کەێد وەکوشتن ژنیگ نزیک وەتڕامپ لە تۆڵەی سولەیمانی

Date: 2020-09-14 07:30:03
واشینتوت توومەتبار تەهران کەێد وەکوشتن ژنیگ نزیک وەتڕامپ لە تۆڵەی سولەیمانی

دوێەتەگەی رەفسەنجانی: باوگم تەمەی سولەیمانی کرد دەسوەردان لە سوریا نەکەێد

Date: 2021-01-10 14:12:06
دوێەتەگەی رەفسەنجانی: باوگم تەمەی سولەیمانی کرد دەسوەردان لە سوریا نەکەێد