یەکێتی ناوەند رووشنهویری لە کەرکوک بەسێد لەناوی ساڵیاد سولەیمانی و موهەندس کریا

شەفەق نیوز/ یەکێتی نیشتمانی کوردستان، بڕیار بەسانن ناوەند رووشنهویری خوەی لە پارێزگای کەرکوک دا، ئەوەیش لە دویای رێکخستن ئاهەنگیگ لە ساڵیاد کوشتن قاسم سولەیمانی و ئەبو مەهدی موهەندس لەناوی لەلایەن پارێزگاگە و حەشد شەعبی.

محمد عوسمان وەرپرس یەکێتی نیشتمانی لە کەرکوک ئەرا ئاژانس شەفەق نیوز وت: بەڵی، ناوەندەگە بەسیا، و دووان لە وەرپرسەگان ناوی ئاڵشت کریان، و رازی نەوی ووردەکاریەیل زیاتر بیەێد.

بەڵکم سەرچەوەیگ وەرپرس خەوەردا ئاژانس شەفەق نیوز ک ئیدارەی مەرکەزی یەکێتی نیشتمانی کوردستان، ئێوارەی دوێەکە دوشەممە، بڕیار بەسانن ناوەندەگە تا بانگوازیگ تر دا، لە پشت رێکخستن ئاهەنگ ساڵیادەگە، و ئەو کردەوەیلە لەناوی ک یەکێتی خستە هەڵویستیگ دەسپاچە، وەتایبەت سووکایەتی کردن وە پەرچەم ئەمریکا.