یابان کەفێدە پیری و یە ١٤ ساڵە دانیشتگەیلی کەمەو بوون

2023-01-24T10:41:03.000000Z

شەفەق نیوز/ فومیو کیشیدا سەرۆک وەزیرەیل یابان، ئمڕوو سێشەممە، هوشداری دا ک وڵاتەگەی کەفێدە وەر گیچەڵیگ لە شمارەی دانیشتگەیل، و پەیمان چارەکردنی وە ئاژانس حکومەتی نوویگ دا.

کیشیدا لە وتاریگ مەوقەی وازکردن خول پەرلەمانی ئمساڵ وت: داوەزین ئاست زایین و پیری دانیشتگەیل وڵاتەگە رخ گەورەیگ لەبان کۆمەڵگا دروس کەێد، و پەیمان چارەکردن ئی گیچەڵە وە دروسکردن ئاژانس حکومەتی نوویگ دا.

وتیش: نیەتوەنیمن هویچ وەختیگ چین سیاسەت مناڵ و پاڵپشتیکردن ئیوەتیان گوما بکەیمن، بایەتە یەکەم جار کۆمەڵگای  ئابووری ئەرا مناڵەیل دروس بکەیمن، و ریژەی زایین ئاڵشت بکەیمن.

دیاری کرد ک شمارەی زایین پارەکە ئەرا کەمتر لە ٨٠٠ هەزار داوەزیا، وتیش: یابان کەفتیەسە کناریگ، ئەگەر بتوەنیمن لە کارکردن جویر کۆمەڵگایگ کار بکەیمن، زوور باریمنە بان ئەو سیاسەتەیلە ک پەیوەندی وە مناڵ و پەروەردەی مناڵ دیرن، ک ئەو باوەتە چەوەڕی نیەکەێد و نەبایەت بخریەێدە دویا. 

سەرۆک حکومەت یابان پەیمان پشتگیریکردن دارایی ئەو خیزانەیلە دا ک مناڵ دیرن، وەگەرد زیاتر لە بیمەیل خوەنەواری، وتیش: تا مانگ یونیۆی ئایندە پلانیگ دانەێد.

وتیش:  لەناو سیاسەتەیل وازکردن ئاژانس مناڵ و خیزانە نووەیلە لە مانگ نیسان، و مسۆگەرکردن وەردەوامی لەکار ئابووری.

Shafaq Live
Shafaq Live