یەکەمین دیدار حەسیب قەرەداغی شاعر لە هەولێر وەڕیەو چوود

Category: شيعر

Date: 2021-11-24T09:59:35+0000
یەکەمین دیدار حەسیب قەرەداغی شاعر لە هەولێر وەڕیەو چوود

شەفەق نیوز/ ئمڕوو چوارشەممە،  لەلایەن ڕێکخراو کوردستان دیالۆگ لە هەولێر، یەکەمین دیدار حەسیب قەرەداغی (شێخی شاعیران) وەڕیەو چوود.  لە ئاگادارییگ ک ڕێکخراو کوردستان دیالۆگ بڵاوی کردگە،  دیدارەگە لەژێر ناو (خەم خەڵک و خاک) وەڕیەو چوود  و لەناوی فەرهەنگ (خەم خەڵک و خاک) حەسیب قەرەداغی ناسریەێد.   

پێشکەشکردن دوو توێژینەوەی ئەدەبی و نشاندان فیلمیگ دیکیۆمێنتاری، وەگەرد ڕێوڕەسمی ڕێزلێنان و کۆنسێرتێگ هونەرمەن دیاری قەرەداغی بەشیگ  لە دیدارەگەن.     دیدارەگە لە ساعەت سێی دۊیای نیمەڕو ئمڕوو چوارشەممە 24/11/2021 لە هۆڵی پێشەوا لەناو وەزارەت رووشنهۊری و گەنجەیل وەڕیەو چوود.    

حەسیب قەرەداغی- شاعر و نووسەر سقڵ 1929 لە یەکیگ لە ئاوایەیل ناوچەی قەرەداغ  و لە ناو خێزانیگ خوەنەوار بنەماڵەی شێخانی مەردۆخ لەداڵگبۊیە. 

 ساڵ 1948   لە وەخت خوەنستن خانەی مامووستایل   لە شا حلە لە عراق بۊیە، فرە چالاکانە بەشداری لە ڕاپەڕینە سەرتاسەرییەگەی ئەوساڵە کردگە، و ئەرا یەکەم جار تێکەڵ وە کاروان خەبات نیشتمانی و نەتەوەیی بۊێە.   

تا ساڵ 1954 چەن جاریگ کەفتیەسە ژێر هەڕەشە و دەسگیرکردن و ناچار بۊیە خوەی بشارێدەو، تا شۆڕش تەممووز  1958 چەن جاریگ ئەرا ماوەی کوڵ کوڵ زیندانی کریاگە.   

دۊیای تەمەنیگ خزمەت وە زوان و ئەدەب کوردی،  لە رووژ  1997-01-09   حەسیب قەرەداغی (شێخی شاعیران) دۊیاکووچی کرد و  و لە گرد سەیوان لە سلێمانی لەخاک نریا.  دیوانیگ 900 لاپەڕەیی لە دوو بەرگ و فەرهەنگیگ سێ بەرگی هیشتە جی.       

related