نەمسا ئارەزوو گلەوخواردن کۆمپانیایەیلی وەرە هەرێم کوردستان ئۊشێدە نێچیروان بارزانی
شەفەق نیوز/ نێچیروان بارزانی سەرۆک هەرێم کوردستان، شەوەکی ئمڕوو چوارشەممە، چەوی کەفتە ئۆسکار فۆستنگەر باڵوێز نەمسا لە عراق و ئوردن.
سەرۆکایەتی هەرێم کوردستان لە بەیاننامەیگ ئمڕوو وت: لە کۆبونەوەگە باس پەیوەندیەیل برادەری مێژووی لەناوبەین هەرێم کوردستان و نەمسا کریا، و دووپات لە ئارەزوو هاوبەش لە گەشەکردن پەیوەندیەیل لە گشت چینەیلە کریا، وەتایبەت لە چین گواستنەوەی بازرگانی و دەرفەتەیل کار و بەرهەمهاوردن نەمساویەیلە لە هەرێم کوردستان و عراق کریا، و باڵوێز نەمسا باس لە خوەشحاڵیی ئەرا ئاوەدانی و گەشەیل لە هەرێم کوردستان کرد، و دەسخوەشی لە پێشمەرگە ئەرا شکستهاوردن وە داعش کرد.
بەیاننامەگە وتیش: هەردوگ لایەنەگە رووشنایی خستنە بان کۆبونەوە شاند بازرگانی نەمسا ک وە یاوەری باڵوێز نەمسا سەردان هەرێم کوردستان کەێد، و دۊیەکە کۆبونەوە و چەوپیکەفتن وەگەردبڕێ لە بازرگانەیل و کۆمپانیای هەرێم کوردستان لە هەولێر داشت، و باس دەرفەتەیل کار و هاوکاری هاوبەش و وەکارخستن سەمایەیلە و بەرهەمهاوردن کردن، وە ئومید گلەوخواردن کۆمپانیایەیل نەمسا وەرەو هەرێم کوردستان.
وەگەرد دەسخوەشیکردن لە برادەری و پاڵپشتی نەمسا ئەرا گەل کوردستان، سەرۆک نئچیروان بارزانی باس ئەو هاوکارییە هاوکارییەیلە کرد ک نەمسا پێشکەشیان کردگ٣، وە تایبەت ک لە هەفتاکان سەدەی وەرین دەرەوەی ئەرا پەنابەرەیل کوردستان واز کرد، بیجگە کاروانەیل ئاسمانی راستەوخۆ لەناوبەین هەولێر و ڤیینا، جۊرنپوڵیگ راستەوخۆ ئەرا هەرێم کوردستان وەگەرد جیهان دەشتەکی.
چالاکیەیل نوینەرایەتی حکومەت هەرێم کوردستان لە ڤیینا، پەتای کۆڤید-١٩ لە هەرێم کوردستان و نەمسا و شیوەیل نواگردنین، جەنگ دژوە تیرۆر و هەڕەشەیل داعش، پەیوەندیەیل هەولێر – بەغداد، پەیوەندیەیل عراق وهەرێم کوردستان وەگەرد دەوڵەتەیل هاوسا و رەوشەیل ناوچەگە وەگشتی، بۊنە لایەیلیگ تر لە کۆبونەوەگە.
