٣ مردن و ١٦ زەخمداری وە سێ رویداو هاتوچو لە سێ پارێزگای عراق
2022-12-11T08:51:27+00:00
شەفەق نیوز/ وەڕێەوبەرایەت هاتوچو سەر وە وەزارەت ناوخۆ، ئمڕوو یەکشەممە، خەوەردا لە مردن سێ کەس و زەخمداری 16 کەس لە رویداوەیل هاتوچو ک لەماوەی 24 ساعەت گوزەشتە لە سێ پارێزگا توومار کریانە.
وەپای بەیاننامەیگ لە وەڕێەوبەرایەتیەگە دەرچگە، رویداویگ لە یەکداین لە پارێزگای زیقار لەمابەین دوو ماشین لەبان ری زوینە مابەین بەسرە و شار ناسریە نزیک ناوچەی دارسانەیل وە هووکار تونی رانین و وریانەوین بویە هووکار زەخمداری شەش کەس.
لە بەیاننامەگە دیاریکرد رویداو لەیەکداینیگ لە پارێزگای نەینەوا لە مابەین دوو ماشین رویدایە لەناوچەی قوش نزیک بازگەی بەدریە، یەکەمیان لە جویر (ئەڤیۆ)ی سیا رەنگیگە و دویەمیش (سۆناتا) وە هووکار بەرزی خێراییەگەی و وریانەبگوین بویە هووکار زەخمداری سێ کەس.
وەپای بەیاننامەگە رویداویگ لە یەکداین رویدایە لە پارێزگای دیوانیە لە مابەین ماشینیگ مارسیدس تایبەت و ماشینیگ نیڤارا و سیەم لۆرییگ وە هووکار رەدکرد هەڵەیگ و تونی رانین بویە هووکار مردن سێ کەس و زەخمداری هەفت کەس.
