دەسگیرکردن ژنیگ وە توومەت فرووشتن مناڵ لە بەغدا

شەفەق نیوز/وەڕێەوبەرایەتی دژە تیرۆر لە بەغدا، ـمڕوو چوارشەممە، خەوەردا لە دەسگیرکردن ژنیگ وە تۆمەت فروشتن مناڵ لە وەرانوەر بڕیگ پویل لە بەغدای پایتەخت.   

وەڕێەوبەرایەتیەگە لە بەیاننامیگ ئمڕوو راگەیان، مەفرەزەیل توەنستنە تاوانباریگ دەسگیر بکەن ک مناڵیگ لە وەرانوەر بڕیگ پویل فروشتیە لەناوچەی زەعفرانیە لە باشوور خوەرهەڵات بەغدا، پەرەی لێکۆڵینەوەی خریاسە وەردەم دادوەر، بڕیار راگردنی دایە وە مادەی ٦ لە یاسای سزادان دژە بازرگانیکردن وە  مرۆڤ.  ‏

لە هەمان وەخت، مەفرەزەیل وەڕێەوبەرایەتیەگە شمارەیگ تاوانبار دەسگیر کردنە، ک بڕە پویل، و ماڵ نیشتەجیبوین، و دوکانەیل بازرگانی، ماتورسکێل، و توک توک دزینە، و تاوانبارەیلتر ساختەکاری کردنە، داواکریانە وەلایەن دادگای تاوانەیل جیاواز سەر وە نوسینگەی کەرخ و رەسافە. 

وتیش رێکارەیل یاسایی وەرانوەریان کریەێد.