فیلم "سنجار" ک لە هەرێم کوردستان و بەرشەلۆنە توومار کریاگە وەچەو ژن لەباوەت داعش
شەفەق نيوز/ شەنگال بۊیە ناو فیلمیگ سینەمایی لە بەرهەم ئیسپانی – ئەمریکی، چەن باسیگ لە ژیان راسی نشان دەێد، و وەرەو ناو ململانەگە بەیدەمان، وەڕی ئەوەگ وەسەر ئەو ژنەیلە هات ک کەفتنە وەر پەلامار سێکسی و و دۊرەوخستن ڕەگەزی و دەسدرێژی، وەگورەی باسکردن گۆڤار "فارايتي" ئەمریکی ک تایبەتە وەخەوەریل هونەری.
شەنگال شانۆیگ ئەرا کوشتار ئەیزیدیەیلە لە ساڵ ٢٠١٤ وەدەس داعش بۊی، و لەلایەن ریخریایەیل ماف مرۆڤ وە جینۆساید باسی کریا.
"فارايتي" وت: ئەو شارە ناو خوەی وە نووترین فیلم خانمە دەرهێنەر ئانا م.بوفارول پێشکەش کرد، ک هەمیش فیلمە رۆمانیەگە نۊسادە، و کۆمپانیای "كابوغا"ی ئیسپانی و کۆمپانیای "جينيس ئات لارج" ئەمریکی لە بەرهەمکردنی بەشدار بۊینە، و کۆمپانیای ڤیلیماکس ک لە بەرشەلۆنە چیگرە بۊیە خاوەن ماف ناودەوڵەتی فیلمەگە، و بەشیگ لەلی لە هەرێم کوردستان توومار کریاگە، وە بەشداریکردن خانمە ئەکتەرەیل نورا نافاس و حەلیمە ئەلتەر وەگەرد ئیمان عەبدو ک ژنیگ ئەیزیدیە ئەرا چەن ساڵیگ لەلای داعش گیر هاتیە.
گۆڤارە ئەمریکیەگە چەوپیکەفتن وەگەرد خانمە دەرهێنەر ئیسپانی ئانا م.بوفارول دەربارەی فیلمەگە کرد، و ئاژانس شەفەق نیوز وەرگێڕانی کرد.
ئیمان عەبدو ژنیگ ئەیزیدیە، تا ماوەی چوار ساڵ کەفتە دەس داعش، نائیا چۊی لەوە قورتار بۊی، و چۊی ئی ئەزموونە لە ژیان راسی کاریگەری لەبان فیلمەگە داشت؟
ئیمان لە تەمەن ٩ ساڵان کەفتە دەس داعش، وەکوتپڕ فرووشیا یەکیگ لەلایەنگرەیل داعش، و دریا وەشۊی، و دۊیای ئەوە ژیانی وەیەکجاری ئاڵشت بۊی.
لە خیزانەگەی جیاوە بۊی، و مناڵیی تەواو بۊی، و بۊیە ژنیگ ک کەفێدە وەر بەد رەفتاری، وجاریگ تر فرووشیا، و جاری ترییش دریا وە شۊی، و هەنای تەمەنی بۊیە ١٣ ساڵان، و بۊیە خاوەن توانای جەنگکردن وەخاتر ژیان نوویگ، دەرفەت وایین ئەرای پەیا بۊی.
هەنای تەمەن ئیمان رەسیە ١٥ ساڵان، فیلم سنجار توومار کریا، ک ئەو مەوقە لەناو کامپ پەنابەرەیلە جیگر بۊی.
ئەو ئەزموونەیل وەرینە، لە شیوەی نووڕستنی، لە جمەکردنی ئاشکرا بۊی، و خوازیم ئەوە بخەمە شیوەی کەسایەتی ئارجین، چۊنکە یە چشت جیوازیگ بۊی، باوجی لە خود وەختەگە، کارەگە سەخت بۊی، ک پیشەی ئەکتەری نەیاشت، و کار وە هەست و ئەزموونەیل راسی کردیمن.
بڕیار داێ ک بەشیگ لە ستەمەیل داعش و جەنگەیلەی لە چەو چەن ژنیگ نشان بەێ، رای تو چەس لە هۊیرکردن و ئەزموونەیلیان، و ئی فیلمە چەی لەو فیلمەیل تر لەی باوەتە جیوازە؟
خوازیم ئاشکرای ئەوە بکەم ک ئایا چۊێن ژیان رووژانەیان وەگەرد ئەو ستەمەیلە ئاڵشت بوود، و خوازیم ژیان ژنە ئەیزیدیەیلە نزیک وە سکرین بکەم، و نشان جەماوەر خوەرئاوایی بیەم ک ئەو ژنەیلە لە خوەرهەڵات ناوڕاس هەکاتی هەر ژنیگ تر زیان وەخوەیان دۊینژ و ئەوانیش توانای ئەوە نەیرن.
لە خود وەختەگە، چۊێن جەنگ دەرەکی چوودە ناو ژیان ژن ئەوروپایی، جۊر ئەزموونەگەی کارلوتا، ئەو ژنە ک لە بەرشەلۆنە جیگرە و نورا نافاس دەورەگەی لەناو فیلمەگە رانێد.
خوازیم ئاشکرای ئەوە بکەم، ئایا ژن لەی هەڵوێستەیلە چۊین خوەی گونجنێد و چۊین خوازێد وە زنی بمینێد، ک ئەوە یەک رووژ و یەک هەفتە لە زیڕەکردن نییە، باوجی مانگەیل دریژیگە، و ساڵەیلیگە ئەرا بەشیگیان، ک رووژ دۊیای رووژ لەی ژیانە بمینن، و بڕیگیان وەگەرد زاڕوەیلیان بۊین، ئی رۆتینە لە فیلمەیلیگ تر پەیای نەکردم ک باس ژیانیگ لەسای داعش بکەێد.
ئەڕا بڕیار بەرهەمکردن ئی فیلمە دائ؟ چۊێن رەسێدە ئی باسە،.و.چۊین رەسێدە ئی ژنەیلە؟
دەسکردمە ئاشکراکردن ووردەکاریەیل فرەیگ لەباوەت ژیان ژنە ئەیزیدیەیلە لەسای دەسەڵات داعش دۊیای داگیرکردن شەنگال خ و چۊین کریانە کوەیلەی سیکس، وەڕاسیەو سەرسام بۊیم، لەو ماوە نەڕەسیمەو ک ئی کارە چۊێن لە شۊنیگ لەی جیهانە بوود، و خوەم رەسانمە کوردستان عراق، و چەوم کەفیە بڕێ لە ژن و مناڵەیل لە کامپەیل پەنابردن ک توانای وایین لە دەس داعش داشتن، و فرە کاریگەری وەپیان بۊیم، و و پابەند بۊیم ک ئەزموونەیلیان بنۊسم، و چۊێن ژنەیلە وەخاتر ماڵەیلیان لەبان ئی ژیانە مەنن، و چۊین بوشیگ ئەل دۊیەتە بۊیچگەیلە گشت چشتیگ لەدەس دان، و بڕیار دان تا مردن جەنگ وەرانوەر داعش بکەن وهەمیش چۊێن داڵگە بیگانەیلە مناڵەیل خوەیان لەلای داعش هیشتنە جی، ک خوەیان رەساننە سای خلافات.
ئایا هەس وە هەڕەشە لەلایەن داعش لەی باوەتە کەێ؟ ئایا ئی ژنەیلە هانە وەر هەڕەشە؟
ئیسە هەس وە هەڕەشە نەیرم، ک داعش هێز و زەۊیەگەی لەدەسداگە وەرجەیە سیمایلە توومار بکریەێد، باوجی راسە ک ئی پڕۆژە رخیگ خستە ناو بەشیگ لە بەرهەمهاورەیل و رازی نەۊین بەشداری بکەن، فرە لە ژنە ئەیزیدیەیلە ئیسە نیینە وەر هەڕەشە، هەرچەن بڕیگیان هانە ناو کامپەیل پەنابردن جۊنکە ماڵەیلیاژ ویران کریا، وهیمان ناوچەی شەنگال ئارام نییە و کەفتیەسە وەر گورزەی
ل تورکیا، هیمان بەشیگ لە ژن و مناڵەیل ئەیزیدی بیسەروشۊنە، و شایەت وەگەرد لەیەنگرە وەرینەیل داعش ژیان کەن.
توومارکردن فیلمەگە چەنی وەپی چگ؟ کەی و لە کاملا؟ و چ سەختیەیلیگ هەس؟
شەش مانگ لە هەرێم کوردستان، نزیک ناوچەی شەنگال توومار کردیمن، و لە شۊنەیلیگ راسی ووەگەرد بڕێ لە ئەکتەرە راسیەیلە، و پشتگیری لە کۆمەڵگای ئەیزیدی و پێشمەرگە وەرگردیمن، ک پابەندییگ وە فیلمەگە نشان دان، و فرە دەسمیەتیمان دان، وەناکاوەو پەتای کۆڕۆنا دەرکەفت، ک تیمیگ ئەڵمانی لە ژن تەنیا لەناو ماڵیگ گیر هات، ک خوەی ماڵ یەکیگە لەو کەسایەتیەیلە ک هیمان دۊر خریاگە، و سوپای ئیسپانی تۊێنست وەرەو میلکان گلیەو بیەێد، و تۊنستیمن لە تەشرین دۊیەم لە بەرشەلۆنە وەگەرد جیوەجیکردن ریکارەیل مقیەتیکردن لە کۆڕۆنا فیلمەگە تەواو بکەیمن.
