لە چین.. عراق رێککەفتنیگ وەگەرد "هواوی" واژوو کەێد ئەرا وەهێزکردن کەرت پەیوەنییەیل و تەکنەلۆژیای زانیاری
شەفەق نیوز - پەکین
وەزارەت پەیوەنییەیل عراقی، ئمڕوو چوارشەممە، واژووکردن یاداشت دەسمیەتی لەناوەین کۆمپانیای گشتی ئەرا پەیوەنییەیل و زانیاری و کۆمپانیای "هواوی" جیهانی راگەیان، لە پەراوێز سەردان وەزیر موستەفا سەنەد ئەرا چین، وە ئامانج وەهێزکردن هاوبەشی ستراتیژی و ئەوزەڵداین ژیرخان کەرت پەیوەنییەیل و تەکنەلۆژیای زانیاری، و پشتگیری رێڕەوەیل وەرەوئاڵشتکاری دیجیتاڵی لە ولاتەگە.
وەزارەتەگە لە بەیاننامەیگ رەسیە ئاژانس شەفەق نیوز دیاری کرد رێککەفتنەگە لە چوارچمگ تەقەلایل ئەوزەڵداین ژینگەی دیجیتاڵی و وەهێزکردن ژیرخان تووڕەیل و خزمەتگوزارییە ئەلیکترۆنییەیل تێد.
وەزیر پەیوەنییەیل عراقی رووژ دوشەممەی گوزەشتە لە سەردانیگ فەرمی رەسیە کۆمار چین جەماوەری، کە لە میانەی دیداریگ وەرد وەزیر پیشەسازی و تەکنەلۆژیای زانیاری چین ئەنجامدا باس لە دۆسیەیل هاوبەشکردن، لە بان گشتی ئاسایش سایبەر، و ژیری دەسکرد (AI)، و تەکنەلۆژیای نەوەی پەنجەم (5G) بوی.
لایەن چینی ئارەزوو خوەی نیشان دا ئەرا فراوانکردن مژارەیل دەسمیەتی تەکنیکی و ئاڵشتکردن ئەزموون وەگەرد عراق، وە جویریگ کە وەپای نواچگنەیل تەکنەلۆژی خێرا بوود و خزمەت وە بەرژەوەنییەیل هەردوگ وڵات بکەێد.
