"سەرۆک لەناو وینە گەورەگە".. ئاريان فەرەج پەنجەرەیگ لە نووڕین نێچیروان بارزانی ئەر "عراق وەگورەی توانا" واز کەێد
شەفەق نيوز- هەولێر
ئاریان فەرەج نویسەر کورد، دوو کتاو نوو دەرکرد، رووشنایی خەنە بان نووڕین سیاسی و فیکری نێچیروان بارزانی سەرۆک هەرێم کوردستان، لەژیر ناونیشان "سەرۆک لەناو وینە گەورەگە" و"عراق وەگورەی توانا".
نویسەرەگە لەی دوو کارە خوەنستنیگ شیەوکردن پیشکەش کەێد ئەرا ئەو "ریڕەوی وەرپرسیانە و عاقڵانە" کە بارزانی لە سەرکردایەتی هەرێم کوردستان دیرێد، و رەفتارکردنی وەرد پرسەیل عراق و ناوچەگە.
فەرەج ئەرا ئاژانس شەفەق نیوز وت: ئی دوو کتاوە دویر لە ستایشکردن و ئافەرین نویسامە، و لە بنەمای بڕواییگ کە کەسایەتی سەرۆک نێچیروان بارزانی شایستەی خوەنستنیگ قویلترە، نەک جویر تەنیا سەرۆکیگ ئەرا هەرێم کوردستان، بەڵکم جویر یەکیگ لەو سەرکردە کەمەیلە کە وەگەرد ئاڵووزیەیل عراق و ناوچەگە وە نووڕین وەرپرسەیل و عاقڵانە رەفتار کەێد، کە چشتەیل لە سویک بەرژەوەنی نیشتمانی گشتگیر دوینێد، نەک لە چوارچیوەیل حزبی یا ئاینی تەنگ.
وتیش: کتاوەگەی "سەرۆک لەماو وینە گەورەگە" باس روخسارەیل نووڕین سیاسی ئەرا سەرۆک نێچیروان بارزانی کەێد، و دووپات لەبان فامستنەیل ئاشتەوایی و وەخشین کەێد، و نفرەتکردن لە تونەڕەوی، و تەقەلای وەرەو ئاسایش گشتی لە هەرێم و ناوچەگە.
کتاو "عراق وەگورەی توانا"ڕ کە وەزوان عەرەبی دەرچگە، باس ئەو سەختیەیلە لەڕوی عراق نوو، و پێشنیار نووڕینەیل چارەکردن کەێد لەڕی فیدراڵیەت و هاوبەشی نیشتمانی، و بانگواز ئەرا وەپشتسەرنان میراتی مەرکەزیەت و مەزهەوگرایی کەێد ئەرا بیناکردن دەوڵەتەیگ مەدەنی نوو.
لەباوەت مدووەیل نویساننی وە دوو زوان، فەرەج وت: پەیامەگە ئەرا دوو جەماوەر جیاجیا کلکریاس، خوەنەوار کورد کە لە نزیکەوە کەسایەتی سەرۆک ناسێد، و خوەنەوار عەرەب کە نزیکەوکردنیگ ئاسان خوازێد رەهەندەیل ئی کەسایەتیە ئاشکرا بکەێد، و نووڕینەیلی کە شیەوکردن فرەیگ ئەرای نەکریاس.
لەباوەت مدووەیل ئەوە کە نێچیروان بارزانی کردە باوەت کتاوەیلی، دووپات کرد کە کەسایەتی بارزانی نموونەییگ ناوازەس لە سیمای عراقی، چوینکە پیاییگ دەوڵەتە هاوسەنگی ناوەین پیکاتەیل کەێد، بانگواز ئەرا هاوبەشیکردن خوەیوەخشی کەێد، و ریڕەوییگ کارا ئەرا بیناکردن عراقیگ ئارام وەڕیەو بەێد.
دیاری کرد کە کتاو "سەرۆک لەناو وینە گەورەگە" زوور لەبان دیارترین شیوەیل نووڕینەیل سیاسی سەرۆک کەێد، زاقتریان تەقەلاداین ئەرا پەیاکردن زەمینەی لەیەکفامسنن ناوەین پیکاتەیل کوردستان، و وەجیهاوردن هەماهەنگی ناوەین هەرێم و بەغداد، وەگەرد زەمینەسازی ئەرا پەیوەندییەیلیگ هاوسەنگ وەرد دەوڵەتەیل هاوسا، لە بنەمای فامستن رخباریەیل ئەمنی و بەرژەوەنیەیل هاوبەش.
لە کتاو "عراق وەگورەی توانا"، رۆڵ بارزانی دیار دەێد جویر پیای هاوسەنگی لە مەوقەی قەیرانیگ عراقی، نووڕینیگ پیشکەش کەێد لەبان وەپشتسەرنان بەشەوبوین و مەزهەوی، و رێزگردن لە سیستەم فیدڕاڵی وسیاس جویر چوارچیوەیگ ئەرا وەڕیەوبردن هەمەڕەنگی و مسۆگەرکردن هاوبەشی، دویر لە هویرکردنەیل مەرکەزی کە خوازن دووارە دەوڵەتیگ دروس بکەن لەبان بنەڕەتەیل خوەیخوازین.
فەرەج لە کۆتایی وت: ئی دوو کتاوە تەقەلایگە ئەرا پیشکەشکردن خوەنستنیگ ئاسان ئەرا نووڕین سیاسی نێچیروان بارزانی، تا رییگ ئەرا خوەنەوار عەرەب واز بکەێد، لەناو بڕ فرەی رویداوەیل و زویکردن زانستەیل، تا بوودە دەرفەتیگ ئەرا فامستن نموونەییگ سیاسی خوازێد عراقیگ ئارام، و فرەیی، و ئاشتیخواز وەرد خوەی و دەورگردی دروس بکەێد.
