ئەرا هەفتەی چوارەم لەدویایەک.. هەناردەکردن نەفت عراق ئەرا ئەمریکا "سفر" توومار کەێد

شەفەق نیوز - واشنتۆن / بەغداد

هاوردەکردن ویلایەتەیل یەکگرتگ لە نەفت خام عراق ئەرا هەفتەی چوارەم لەدویایەک "سفر" توومار کرد، وەپای دویاین داتایەیل فەرمی کە لە ئیدارەی زانیارییەیل وزەی ئەمریکی دەرچگە.

 داتایەیل، کە ئاژانس شەفەق نیوز چاودێری کردیە، دەرخسن  تێکڕای هاوردەکردن ئەمریکا لە نەفت خام لەماوەی هەفتەی گوزەشتە لە دە وڵات سەرەکی رەسیدە 5.300 ملیۆن بەرمیل رووژانە، کە داوەزیا وە بڕ 107 هەزار بەرمیل رووژانە لە هەفتەی گوزەشتە کە 5.407 ملیۆن بەرمیل رووژانە توومار کردبوی.

ئیدارەگە دیاریکرد، کەنەدا لە بان لیست دابینکەرەیل هات وە تێکڕای 3.902 ملیۆن بەرمیل رووژانە، دویای فەنزوێلا وە 571 هەزار بەرمیل، و دویای ئەو بەرازیل وە 183 هەزار، و عەرەبستانی سعودی وە 176 هەزار بەرمیل رووژانە.

وەپای داتایەیل، هاوردەکردن لە مەکسیک رەسیە 154 هەزار بەرمیل رووژانە، و لە کۆڵۆمبیا 122 هەزار، و لە ئەرجەنتین 100 هەزار، و لە کینیا 80 هەزار، و لە نێجیریا 12 هەزار بەرمیل رووژانە، لە وەختیگ بازاڕەیل ئەمریکا هویچ هاوردەکردنیگ لە نەفت عراق توومار نەکردن.

شوین باسە وەکارهاوردن رووژانەی ویلایەتەیل یەکگرتگ رەسێدە نزیکەی 20 ملیۆن بەرمیل، کە یەیش کەدێ  گەپترین وەکارهاوەر نەفت لە جیهان.