دویەتیگ وە ژەهر مویش کۆتایی وە ژیان خوەی تیارێد و ژنیگ تەقە لە خوەی کەێد لە عراق
شەفەق نیوز ـ بەغدا /زیقار
دوو سەرچەوەی ئەمنی، ئمڕوو شەممە، خەوەردان لەزەخمداری ژنیگ کە کاری (مەلایەس) وە گولە لەناو ماڵ خوەی لە ناوچەی بەلەدیات خوەرهەڵات بەغدای پایتەخت، هەمیش دویەتیگ وە ژەهر مویش کۆتاییوە ژیان خوەی هاورد لە پارێزگای زیقار.
یەکیگ لە سەرچەوەیل وە ئاژانس شەفەق نیوز راگەیان، ژنیگ لەری دەوانچە تەقە لە خوەی کردیە لە ئەنجام قولی زەخمداربویە.
وتیش؛ وەپای زانیاری سەرەتایەیل رویداوەگە وە مدوو پویلەو بویە، پسپۆر بەڵگە تاوانناسی داوای ازکردن لێکۆڵینەوەکردیە لەوەر هەبوین گومان لە رویداوەگە.
سەرچەوەیترەک لە زیقار راگتیان، دویەتیگ 25 ساڵان وە ژەهر بویش تەقەلای خوەیکوشتن دایە لە ناوچەی حەی عەباس لە قەزای سوق ئەلشیخ، باشوور پارێزگاگە.
سەرچەوەگە وە ئاژانس شەفەق نیوز وت: وەپای زانیاری سەرەتایەل هووکار رویداوەگە بارودۆخ دەروینیە دویەتەگە بویە، وتیش تەرمەگە ئەرا تەواوکردن رێکار هەوەجەکریاگ کلکریارە پزیشک دادوەری.
