داوەزیان فرەیگ نرخەیل خام بەسڕە لە وەرانوەر بەرزەوبوین نەفت جەهانی

شەفەق نیوز - بەغداد

نرخەیل هەردووگ خام بەسڕەی قورس و ناوڕاس، ئمڕوو سێشەممە، داوەزیان دیاریگ توومار کردن کە لە 8% رەدبوی وەبان بەرزەوبوین نرخەیل نەفت لە بازاڕەیل جەهانی.

نرخ خام بەسڕەی قورس رەسیە 68.34 دۆلار ئەرا بەرمیلیگ، وە داوەزیان 6.41 دۆلار و وە بڕ 8.58%.

هەمیش نرخ خام بەسڕەی ناوڕاس داوەزی ئەرا 71.64 دۆلار ئەرا هەر بەرمیلیگ، وە کەمەوبوینیگ کە رەسیە 6.41 دۆلار، کە یەکسانە وە 8.21%.

لە وەرانوەر، خام خوەرئاوی تەکساس ناوڕاس 89.60 دۆلار ئەرا بەرمیلیگ توومار کرد، وە بەرزەوبوین 0.17 دۆلار، لە وەختیگ خام برێنت رەسیە 100.54 دۆلار، وە زیایبوین 0.22 دۆلار.

خام بەسڕەی قورس وە کەمتەر لە برێنت وە نزیکەی 32 دۆلار ئەرا بەرمیلیگ مامەڵە وەلی کریەێد، لە وەختیگ جیاوازی ناوەین بەسڕەی ناوڕاس و برێنت رەسیە نزیکەی 29 دۆلار.