بانک رافدەین چین دویەم قەرز ئەلیکترۆنی ئەرا فەرمانبەرەیل و خانەنشینەیل دەرکەێد

شەفەق نیوز - بەغدا

بانک حکومەتی رافیدەین، ئمڕوو چوارشەممە، وازکردن دەر پێشکەشکردن ئەرا چین دویەم لە قەرز ئەلیکترۆنی ئەرا مووچەخوەرەیل و خانەنشینەیل راگەیان.

بانکەگە لە بەیاننامەیگ فەرمی دیاریکرد داواکارییەیل مووچەخوەرەیل و خانەنشینەیل کە مووچەیان وە لای بانکەگە تەوتین کریاس و خاوەن کارت رافیدەینن وەربگرێد لە ری ئایکۆن "قروض الرافدين" لە بەرنامەی "سۆپەر کی"، وەپای مەڕجەیل پەسەنکریاگ.

ئی دەسوەپیکردنه لە شوون تەواوکردن وەجبەی یەکەم تێد وەو جویرەی کە سەرچەوەیگ ئاگادار ئەرا ئاژانس شەفەق نیوز لە 23 تەشرین یەکەم/ئۆکتۆبەری ئمساڵە ئاشکراکرد  قەرز وە بڕ پولیگ کە لەناوەین 5 ملیۆن تا 10 ملیۆن دینارە تەرخان کریاس، وە سود ساڵانەیگ کە رەسێدە 6% کە بنەرەتەگەی لەماوەی پەنج ساڵ گلەودریەێد.

 سەرچەوەگە دیاری کرد  پێشکەشکردن تەنیا لە ری بەرنامەی ئەلیکترۆنی "سۆپەر کی"یە بی ئەوەگ هەوەجە وە سەردانیکردن لقەیل بانکەگە بکەێد، لە چوارچمگ پلانیگ ئەرا پەیوەسکردن خزمەتگوزارییەیل بانکی دیجیتاڵی و ئاسانکاری وەرگردن ئاسانکارییەیل دارایی ئەرا هاووڵاتییەیل و کەمەوکردن رێکارەیل رۆتینی.