وە گورانی کرماشانی.. کۆتاییهاوردن وە کارەیل فیستیڤاڵیگ شانۆ لە هەرێم کوردستان.. وینە
شەفەق نیوز/ ئمڕوو سێشەممە، لە شار کەلار لە هەرێم کوردستان، کۆتایی وە کارەیل فیستیڤاڵ شانۆ و شیوەکاری هات، وە ئامادەبۊن نەختەیلیگ لە روشنهۊرەیل و هونەرمەنەیل لە ناوچەیلیگ جیاجیا.
ئازاد حسێن تەوفیق وەڕیەوبەر گشتی روشنهۊری و هونەرەیل لە ئیدارەی گەرمیان ئەرا ئاژانس شەفەق نیوز وت: وەڕێەوبەرایەتی گشتی روشنهۊری و هونەرەیل لە گەرمیان، وە چەودێری وەزیر روشنهۊری و گەنجەیل لە حکومەت هەرێم کوردستان، وە سەرپەرشتیاری ئیدارەی گەرمیان، ئەو فیستیڤاڵە ئەنجام دریا ک ئاهەنگ وە رووژ جەهانی شانۆ کەێد، ئەوەیش وە پێشکەشکردن نمایشەیل جۊراجور لە شانۆ لە کەلار و کفری، ئەرا تیمەیلیگ شانۆ لە جۊراجور ناوچەیل هەرێم کوردستان.
تەوفیق وتیش: هەمیش پێشەنگای شیوەکاری ئەرا زیاتر لە ١٠٠ شیوەکار لە جۊراجور ناوچەیل عراق، و باوەتەیلیگ جیاجیا لەناوی بۊ، وتیش: فیستیڤاڵە رووژ یەکشەممەی گوزەشتە دەسوەپی کرد، و ئمڕوو کۆتایی وە کارەیلی هات، وە بەشداریکردن شمارەی گەورەیگ لە شیوەکارەیل لە جۊراجور پارێزگای عراق.
لەلای خوەییش، پەیامنێر ئاژانس شەفەق نيوز ک ئامادەی فیستیڤاڵەگە بۊ وت: ئاهەنگ کۆتاییەگە گورانی ئەرا تیپ کەرماشان لە کوردستان ئیران لەناوی بۊ، ئیجا رێز لە بەشدارەیل فیستیڤاڵەگە نریا.
