هەولێر پیشانگەی خانمە شیوەکاریگ لە کوردستان ئیران گرێدە خوەی
شەفەق نیوز/ خانمە شیوەکار ررۆزیا تاهیر خەڵک شار بانە لەکوردستان ئیران، ئمڕوو چوارشەممە، پیشانگەی تایبەت دۊیەم خوەی لە هەولێر سازێد.
پپێشانگەگە لە فەرمانگەی هونەریل شیوەکار سەروە وەڕێوەرایەتی گشتی رووشنهۊری لە وەزارەت رووشنهۊری حکومەت هەرێم کوردستان رێک خریا.
فەرهەنگ غەفوور وەڕێوبەر گشتی رووشنهۊری وەگەرد ئازاد لەشگری وەڕێوبەر هوەنرەیل شیوەکاری و بڕێ لە هونەرمەن و هونەر دووسەیل ئامادەی وازکردن پێشانگەگە بۊین.
٣١ تابلۆی شیوەکاری وەگەرد ٤٠ کار سیرامیک لەناو پیشانگەگە بۊی.
رۆزینا تاهیر ئەرا ئاژانس شەفەق نیوز وت: لەلای منەو هونەر بی سنورە، ئەراوە خوەشم تیەێد هەمیشە بامە هەرێم کوردستان، و پێشانگەی هونەری لەناوی بسازم، چۊینکە دووسەیل هونەر فرە تیەن.
دەربارەی پێشانگەگەی وەناونشان (وەرەورووشنایی) ئۊشێد: تابلۆیلە رووشنایی خەنە باب لەی تاریک و رووشن و چۊین ئایم هەمیشە ئومێد خوەرهەڵاتی نوویگ دیرێد.
هەمیش ئۊشێد: من دەرچگ بەش گرافیک بۊیم، باوجی خوەشم لە شیوەکاری هات و لە مناڵیەو تابلۊ کیشم و بەشیگیان مۆدڕینە و بەشیگیش دەربارەی سرووشتە.
