مردن هونەرمەن و مەقامچڕ کوردی سەتار دەشتی لە خانەقین

شەفەق نیوز ـ خانەقین

شەو چوارشەممە لەبان پەنجشەممە، لە قەزای خانەقین سەر وە پارێزگای دیالە، هونەرمەن و مەقامچڕ کورد ناسریاگ سەتار دەشتی کووچ دویایی کرد، دویای دەیان ساڵ کار هونەری بەرهەمدار لە گۆڕەپان گورانی و مەقام کوردیو عراقی رەسەن.

لە خێزانیگ هونەری رەسەن لەداڵگ بویە، و برازای هونەرمەن گەورە خوداد عەلیە، کە یەکم کەس بویە بەهرەگەی لە مناڵیەو گردیەسە باوەش، هەس وە خامەی دەنگە جیاوازەگەی کردیە مەزەنەی ئایندەیگ گەش لە جەهان هونەر و مەقام کردیە.

لە ساڵ 1975دەشتی دەر رادیۆی کوردی لە بەغداد کوتێد، دەنگی خەێدە نوای پێشەنگ مەقام عراقی و کوردی عەلی مەردان، ئەویش خوەشی تێد لە بەهرەگە ریگە وەپی دەێد چەن کارگ هونەری تووماربکەێد، تا ئێ چرکەیلە بوونە یەکەم پرشنگ دەسوەپیکردن فەرمی لە گەردون گورانی.

هونەرمەن سەتار دەشتی شوین پەنجەی خوەی لە چڕین مەقامەیل کوردی و عەرەبی وەجیهشت،  شێواز رەسەنەگەی  پاراست، بەشداربوی پاراستن رەنگ موسیقای رەسەن لە لەناوچگن.