مردن مۆسیقاژەن عراقی عەبدولڕەزاق ئەلعەزاوی لە بەغدا
شەفەق نیوز ـ بەغدا
مۆسیقاژەن و مايسترۆی عراقی عەبدولڕەزاق ئەلعەزاوی، ئمڕوو پەنجشەممە، لە خەستەخانەی کیندی فێرکاری لە بەغدا، کووچ دوایی کرد وە مدوو گیچەڵ تەندروسی کە لەسەرەتای ئێ هەفتە تویشی هاتوی.
سەندیکای هونەرمەنەیل عراقی سەرەخوەشی لە عەزاوی کرد و لە بەیاننامەیگ وت: "وە خەم و خوسەی فرەیگ سەندیکای هونەرمەنەیل عراقی سەرەخوەشی لە کووچ دوایی هونەرمەن عەبدولڕەزاق ئەلعەزاوی کەێد، کە ئمڕوو کووچ دوایی کرد"، و سەرەخوەشی لە کەسوکار و دوسەیل و هاوکارەیلی کرد.
عەزاوی وە یەکەم عراقی مەزەنە کریێد کە رێبەرایەتی تیپ سیمفۆنی نیشتمانی کردیاگ لە ساڵ 1974، دویای دەرچگن لە پەیمانگەی هونەرە جوانەیل و وەدەسهاوردن زەمالەی کۆلێژ شاهانەی مۆسیقا لە ئینگلەتەرا.
کۆچکردگ بڕیگ لە پلەیل رووشنهویری داشتیە، کە دیارترینیان وەڕێوەبەر گشتی فەرمانگەی هونەرەیل مۆسیقای بوی، و میراتیگ لە بەرهەمەیل سیمفۆنی و سەربازی وەجیهیشت کە بەشداری کردن لە دەوڵەمەندکردن دیمەن مۆسیقی عراقی و عەرەبی.
