مردن راپەریگ ناودیار لە تونس

شفەق نيوز/ وەزارەت کاروبار رووشنهویری لە تونس، ئمڕوو یەکشەممە، مردن راپەر ئەحمەد عوبەیدی راگەیان کە وەنازناو "كافون" ناسیاس، لە تەمەن 43 ساڵە، دویای زیان دویرودرویژیگ وەرد بیماریی.

 "كافون" یەکیکە لە سومبلەیل نەوەی دویای شووڕش 2011، کە وەناوبانگی فراوانیگ لە گورانی ناودیار "حومانی" وەرگرد کە وە بەشداریکردن گورانیچڕ محمد ئەمين حەمزاوی چڕیەی، و نیان پرس و خەونەیل گەنجەیل دا، و مۆسیقای بویە ئاوێتەی نەوەی شووڕش.

 کافون وە شیوەی میوزیک تایبەتبگ جیاواز بوی، کە ناوەین مۆسیقای راپ و ریگی وە تام تونسی گردەو کرد، و کاێتیابگ پیشکەش کرد کە بڵاوبوین فرەیگ وەخوەیان دین کە دەنگدانەوەی گەورەیگ ناوەین نەوەیلی و لەبان سۆشیال میدیا پەیا کرد.

لەلاییگ ترەک، کافون تاقی ئەکتەری لە سینەما و تەلەڤزیۆن کرد، کە لە ساڵ 2016 لە فیلم "وه!" بەشداری کرد، و لە رەمەزان 2025 دویاترین دەرکەفتنی بوی لە زنجیرە درامایگ.

تەتدرتی کافون بوی ساڵەیل دویاییە بەدەو بوی کە ناچار بوی لە مەیدان هونەری دویرەو بکەفێد، و کەفتە نەشتەرگەری لە پای، نا ناچار بوین مچ پای بووڕنەو.