مردن خانمە هونەرمەن مسری رجا حسێن لە تەمەن 83 ساڵی
شەفەق نیوز/ سەرۆک سەندیکای هونەرمەنەیل مسر ئەشرەف زەکی، شەوەکی ئمڕوو سێشەممە، مردن هونەرمەن رجا حوسەین لە تەمەن 83 ساڵان راگەیان.
ئەشرەف زەکی، لە ری تویتیگ لەبان هەشمار تایوەتی خوەی لەبان " تویتەر" پرسەی کوچکردگ رجا حوسەین کەێد و نویسایە:
هونەرمەن گەپ رجا حوسەین کوچ دویایی کرد". هونەرمەن مسری رجا حوسەین لە 7 تەشرین دویەم 1937 لە پارێزگای قلیوبیەی مسر لە داڵگبویە، وە یەکیگ لە هونەرمەنە پێشەنگەیل عەرەبی دانریەێد، سەرەتای کار هونەریەگەی چوودەو ئەرا وەخت خوەنەواربوینی لە فلیم قلوب ناس لە ساڵ 1954، ساڵەیل کارکردن سینەمایی 68 ساڵ رەدکردیە.
دویا بەشداریکردنی هونەری هونەرمن کوچکردگ رجا حوسەین لە زنجیرە درامای "واحة الغروب" سال 2017 بوی، لە حوزەیران گوەشتە لە فیستواڵ سینەمای نیشتمانی لە مسر خەڵات رێزلێنان وەپی وەخشریا، باوجی لەوەر ناجیگیری تەندروسی ئامادەنەوی.
