مردن خانمە هونەرمەن عراقی ئیقبال نەعیم

شەفەق نيوز - بەغداد 

خانمە هونەرمەن عراقی، ئیقبال نەعیم، ئمڕوو چوارشەممە، لە تەمەن 67 ساڵە گیانی لەدەسدا، وەگورەی راگەیانن سەندیکای هونەرمەنەیل عراقی.

هونەرمەن ئیقبال موعین لەداڵگبوی ساڵ 1958، وەگەرد چەن تیپیگ شانۆگەریی عراقی مار کرد، جویر شانۆگەری هونەری نوو و میللی، ئمجا تیپ ئەکتەری نیشتمانی، و بڕیگ شانۆگەریی دەرکرد، و چەن خەڵاتیگ گرنگ وەدەس هاورد چ لە فیستواڵەیل ناوخوەیی یا عەرەبی و ناودەوڵەتی.

  ئیقبال نەعیم خەڵات خاسترین خانمە ئەکتەر لە شانۆگەریی "الرهن" لە ناوەند شانۆگەریی عراقی لە ساڵ 1985 پیشکەشی کریا، و خەڵات خاسترین ئەکتەر رۆڵ دویەم لە شانۆگەریی "الف امنية وامنية" لە ساڵ 1987، و خەڵات خاسترین کار تەواکریای لە شانۆگەریی "ترنيمة الكرسي الهزاز" لە فیستواڵ شانۆگەریی قرتاج لە ساڵ 1987، ، و خەڵات خاسترین دەرکردن و ئەکتەری و پڕتاڵ لە شانۆگەریی "الريشة الذهبية" لە فیستواڵ شانۆگەریی مناڵ ئوردنی لە ساڵ 2002.

هەمیش وەگەرد خاسترین و گرنگترین دەرهێنەرەیل کار کرد جویر: عەونب كەرومی، سەڵاح قەسەب، وعەزيز خەيون، و فازڵ خەليل.

بڕیگ کار شانۆگەریی پیشکەش کرد، و چەن فیلمیگیش ئەرا سینەما پیشکەش کرد، بیجگە لە کارەیل دراما ئەرا تەلەڤیزیۆن و ئێزگە.