مێسی بەشداری لە زنجیرەیگ تەلەڤزیۆنی کەێد
شەفەق نیوز/ لیۆنێل مێسی بلیمەت ئەرجەنتین هەسارەی تووپان جەهانی، بڕیار دا گەشە وە بەشدارکردنی لە پڕۆپاگندە بەێد و بچوودە ناو ئەکتەری لە زنجیرەیگ تەلەڤزیۆنی.
رووژنامەی "مارکا"ی ئیسپانی راگەیان ئەوەسا مێسی جویر میوان شەرەف لە زنجیرەیگ ئەرجەنتینی ناودیار "لۆس بروتيكتوريس" بەشداری کەێد.
ئەو زنجیرەی تەلەڤزیۆنی کۆمیدیە باس ٣ کەس جینیشین کاروبار لە تووپان کەێد، گیچەڵ دارایی دیرن، بڕیار دەن بوونە یەکیگ هەرچەن دوژمنی ناوبەینیان هەس، تا نەکەفنە رەوش لاتی، وەرجەیە ئەو هەسارەی گەورە بچوودە ناو باسەگە، ئیجا هەرسگیان لەبانی جەنگ کەن.
مێسی پارچەیگ کۆمیدیا لە زنجیرەگە توومار کرد، و لەبان ویستگەی تەلەڤزیۆنی گرتەیلیگ لە بەشداریکردنی بڵاو کرد.
ئەو زنجیرەی کۆمیدیانە جەماوەری گەورەیگ لە وڵات ئەرجەنتین وەدەس هاورد، وئەوەسا تیرەیل زنجیرەگە وەبەشداریکردن بلیمەت ئەرجەنتین بەرزەو بوود.
وەگورەی "مارکا" ئەوەسا ئەو بەشداریە لە ساڵ ئایندە وەگەرد وەرز نوو زنجیرەگە پەخش کریەێد.
