میران عەلی دویەتیگ وەرد ئەردەلان بەکر بڵاوکەێد

شەفەق نیوز/ هونەرمەن گورانیچڕ میران عەلی وە زیرەکی دەسکرد دویەتیگ وەرد هونەرمەن کووچکردگ ئەردەڵان بەکر بڵاوکەێد.

میران عەلی لە هەشمار فەرمی خوەی لە تووڕ کۆمەڵایەتی ئینستاگرام راگەیان "سپاس ئەرا زیرەکی دەسکرد ئەو دەرفەتە وەپیم وەخشی وەرد گەورە هونەرمەن کوردستان ئەردەلان بەکر کاریگ هاوبەش بکەم، ، سپاس بنەماڵەگەیان ری وەپیم دان ئێ گورانیە وە ناو  (وای لە تۆ دونیایە) یە، کە خوەم وە دڵ و گیان نویسانمەسێ و ئاوازی دانامە، دڵنیام وە دڵدان بوود و بوودە یەکیگ لەو بەرهمەیلە هەمیشە زینگ مینێد".

هەمیش دیاریکرد، بڕیارە لە بەرواری ٥/٨/٢٠٢٥ لە چەناڵ یوتیوب هونەرمەن خوەی لە ساعەت ٢٠:٠٠ بڵاوبکرێد.