میریام فارس داوای لێبوردن کەێد

شەفەق نیوز/گورانچڕ لوبنانی میریام فارس دویای ئەوەگ راگەیان ئەو گورانیە ئەرا مۆندیال چڕیە گوایە پەنج ساڵ وەپیچگە تا ئامادەی کردیە، لەبان ئی قسە داوای وەخشین لە هەوادارەیلی کرد.

 میریام لە تویتیگ نویسایە" گورانی (توکو تاکا) ک لە گوزەشتە وتمە پەنج ساڵ وەپی چگە، داوای وەخشین کەم وە هەڵە وتمە بەڵکم پەنج مانگ وەپی چیە".

روینکردنەوەگەی میریام فارس دویای ئەوە هات، لە چەن رووژ گوزەشتە لە دیدار میدیایی راگەیانوێد گوایە ئامادەکردن تێکست گورانیەگە پەنج ساڵ وەپی چگە، ئی قسە رەخنە و توانج وە دویای خوەی هاورد، هەر وەی مدویە ناوبریاگ دیاریکرد تێکستە عەرەبیەگە پەنج مانگ وەپی چگە و تێکەڵا وە میوزیک عەرەبی و شەرقی کریایە، وشەگانییش خوەشکەی نویسایەسێ.