مەتین مەهدی گورانی نوویگ بڵاوکەێد
2023-11-07T12:45:45+00:00
شەفەق نیوز/ مەتین مەهدی نووترین بەرهەم گورانی خوەی وەناو "بەڵێن" بڵاوکرد.
مەتین لە هەشمار فەرمی خوەی باس لە گورانی نووەگەی کەێد و ئوشێد "بەڵێن بڵاوەوبوی، ئۆرکێسترا و عەشق ئی گورانیە خولقانن ئەرام وەو هیواوەیە بژنەفنێ و وەدڵدان بوود".
بەرهەمەگە لە نویسین ئاراس گەبەییە، کار ئەرێنجمینت و میوزیکی وەلایەن ئەفشین شوکریی ئەنجامدریاس، رزا پورزوی کار میکس و ماستەری کردیە.
مەتین مەهدی یەکیگە لە گورانیچڕە گەنجەیل کوردستان، کە بیجگە لە گورانی ژەنیار گیتارە، خاوەن چەن گورانی و ڤیدیۆکلیپیگە، شمارەی فرەیگ هەوادار و گوشتەکن دیرێد.
