ئەلبووم «شایر گومابوی» دەنگ مامووستا شەهرام نازری و ئاواز ئەرشک رەفیعی لەلی دەنگەو دەێد

ئی دوو هونەرمەن میوزیکزان ئیرانیە، لە ماوەی ساڵەیل گوزەشتە ئامادەکاری و پیشکەشکردن کارەیلیگ کردن، ئەرا زنیکردن یاد باوگ شعر نوو (نیما یووشیج).

لە ساڵ ٢٠١٥ فیلم «ئیران برجر» وەدەنگ شوالیه ئاواز ئیرانی و نویسین ئەرشک رەفیعی خەڵات پەیکەر حافز ئەرا خاسترین گورانی لە خول پانزەهەم لە فیشتڤاڵ جەهان وینە وەدەس هاورد.

لە دیارترین رویەیل ئەو کارەیل هاوکاری هاوبەش ئی دوو هونەرمەنە؛ توەنیمن ئەرا گورانی بەرگ ریزان گلەو بخوەیمن وەگەرد وشەیل م.ئازاد کە ئەرا زەرەدمەنەیل زەویلەرزەی کرماشان ساڵ ٢٠١٧ پیشکەش کریا، و هەمیش گورانی «جان جانم» وەگەرد وشەیل ئەرشک رەفیعی ک وەهاوخەمی رزگاربویەیل لە فڕۆکەی ئۆکرانی لە ساڵ ٢٠١٩ هات.

وینە: مەنسوور جیهانی