پلیت فیلم سینەمایی 1988 خریا بازار
2023-10-28T08:49:34+00:00
شەفەق نیوز/ پلیت فلیم سینەمایی 1988 خریا بازاڕ و ئیرنگە لە شارەیل هەرێم کوردستان وەردەسە، کە باس لە کیمیا واران هەڵەبجە کەێد وبڕیارە رووژ پەنجشەممەی ئایندە لە گشت سینەمایەیل هەرێم نمایش بکریەێد.
رێکخەرەیل فلمەگە باس لەوە کردنە ئەرا دەسکەفتن پلیتەگە توەنن سەردان ئێ شوینەیلە بکەن:
لە شار سلێمانی – سیتی سینەما - یا لەڕی ئێف ئای بی ئۆنلاین، لە هەولێر - سینەما ئیمپایەر و فامیلی مۆڵ، لە کەرکوک - سینەما تایم و سەنتەر مۆڵ، لە دهۆک - دهۆک مۆڵ سینەما، لە هەڵەبجە هۆڵ لاوان، لە کەلار - هۆڵ رووشنهویری ( لە چایخانەی میللەت پلیت وەردەسە).
فیلم سینەمایی ١٩٨٨ وە کاریگەرترین و پیشکەفتیترین فیلم کوردی دانرێد و بڕیگ نهێنی ئاشکەراکەێد تا ئیسە بڵاونەکریاگە، هەمیش یەکەم جارە بڕیگ زانیاری و چیرووک کاریگەر وەرجە و دویا رویداو کیمیاواران هەڵەبجە لەو فیلمە نمایش کرێد.
