فلیم باربی لە سێ رووژ نمایش کردن کەفێدە نوای ئۆپنهایمەر
لە سێ رووژ نمایشکردن فلیم باربی 377 ملیۆن دۆلار جەمکردیە، مەوقەیگ فلیم ئۆپێنهایمەر 147 ملیۆن دۆلار داهاتی بویە.
رکابەری گەرم ئی دوو فیلمە چوودەو ئەرا پەخشکردنیان لە یەک رووژ، ک هەردگیان لە ٢٢ی ئێ مانگە لە سەرانسەر جەهان لە سینەمایەیل دەسکریا وە پەخشکردنیان.
فیلم باربی لە دراوردن گرێتا گێرویگە و لە نواندن مارگۆت رۆبی و رایان گۆسلینگە، ک هەردگ ئەکتەر توەنستنە مارکێتینگ خاسیگ ئەرا فلیمەگە بکەن.
فیلم ئۆپنهایمەر لە دراوردن کریستۆفەر نۆلان دەرهێنەر وەناوبانگ بەریتانیە و نواندنەگەی کیلیان مورفی، رۆبێرت داونی، ئیمێڵی بلەنت و مات دەیمنە، ک فیلمەگە باس لە ژیان رۆبێرت ئۆپنهایمەری دروسکەر بۆمب ئەتۆمی کەێد.
بڕ خەرج فیلم باڕبی ١٤٥ ملیۆن دۆلار بویە، لە مەوقەیگ تێچگ ئۆپنهایمەر ١٠٠ ملیۆن دۆلار بویە، چەوەرێ کریەد هەردگ فلیمگە داهات زیاتریگ جەمەوبکەن چەن ریکۆردیگ لە بۆکس ئۆفیس تووماربکەن.
