ئەسارەی كۆمیدیای ئه‌مه‌ریكی له 100 ساڵی دۊیا کووچی کرد
شەفەق نیوز/ پیتی وایت خانمە ئه‌كته‌ر ناودار دنیا كۆمیدیای ئه‌مه‌ریكایه، سێ هه‌فته‌ی مەنیە ئاهه‌نگ 100 ساڵه‌ی لە داڵگبۊینی بسازێد، دۊیا کووچی کرد.
پێگه‌ی "ئه‌لشارق"، هەواڵ دۊیا کووچ ئه‌و ئەسارەیە بڵاو كرد و نۊسایە، 80 ساڵ له كار هونه‌ریی پیتی وایت، دنیای كۆمیدیای ئه‌مه‌ریكای رەنگین کردۊێد، جۊر داهێنه‌ریگ له بواره‌گه‌ی خوەی، ده‌یان هونه‌رمه‌ن لاسایی جۊڵەیل ئه‌و ئەکردن.
وه‌ڕێەوه‌به‌ری كاره هونه‌رییه‌یل پیتی وایت ک ناوی جێف وێتجاسه، راگەیان، سێ هه‌فته مەنیە یاد 100 ساڵه‌ی لەداڵگبۊینی بکەێد، باوجی لەوەر پیری کووچ دۊیای کرد.
پیتی وایت هه‌ڵگر خه‌ڵات "ئیمی" یە و ده‌یان خه‌ڵات تر ناودەوڵەتی، دەور گەپیگ له كۆمیدیا داشت، زیاتر وه زنجیره‌یل دراما "زه گۆڵدن جیزڵز" و "زه ماری تایله‌ر مۆر شۆ" ناسریاگە.
دۊیاجار دیاری کریایە ک له ته‌مه‌ن 92 ساڵی دەور له زنجیره درامای "هۆت ئێن كلێفڵاند" دییە. له شه‌سەیلە تا وەخت دۈیا کووچی کرد جۊر ئه‌ستێره‌یگ له دراما و شانۆ باس لەلی کریایە.
