رەخس و ئەڵپەڕەکی دە نام حوسەینییەیێگ کرماشان
شەفەق نیوز- دە کرماشان، کلیپێ دەرهاتگەسە دەر ک هن روگوز کردن و ئەڵپەڕگە دە نام دڵ تەکیەی موعاون‌ئەڵموڵکە، دە نام‌ڕاس شار کرماشان.
دە ئی کلیپە ک لووکەیشنەگەی هن ئی حوسەینییەسە ک وە بوونە ئەڵگرتن پرسە و رەوزەیل میژوویی ئەڕا ئێمام حوسەین فرە دیارییە دە گشت ئێران و یەکێ لە جییەیل میژووی و میراتەیل تاریخی کرماشانە، بڕێ ژن و پیاگ وە سنگ وەرزێشت کردن، وەرد دەنگ ساز و مەزیقەی شادێگ ک هن گورانیێ فڵەیتیی و فەرەنگییە، پەسا ئەڵپەڕگە دکەن.
دۆمای گرتن و زندانی کردن بڕێ دۆتەڵەی نمام و نوونمام ک خوەیان کردبین وە ماڵووکان و مودڵ خیاوانی ئەڕا پرتاڵ‌فرووش و بووتیکەیلە، ئێسە یە دوێیم دووزەمە و قەیڕان فەرهەنگییە ک دەنگ و هاوار تونە‌مەزاوەیل مەزهەبی دە کرماشان دەرهاوردگەسە دەر.
ئەوان وتنە ئەڕا ئی کارەیلە، بغەیران، بەرنامە ڕشاننە تا کرماشان بشێوننە یەکا ئوو شەڕ و تڵابەیێگ بخەنە نام مەزهەبییەیل و غەیر مەزهەبییەیلە.
