دویای ٢٠٠ ساڵ.. موی سەر بیتهۆڤن ئاشکرای هوکار مردنی کەێد
ئایا جینۆم چە لە بیتهۆڤن ئاشکرا کرد؟
جینۆمەگەی بیتهۆڤن، دەرخست ک ئەو ئاوازنویس ئەڵمانیە، ئامادەیی ئەرا تویشهاتن وە میراتی بیماریەیل جگر داشتگە، و تویش ڤایرۆس جگر (بی) هاتگە.
دویای وەشکین لاشەی بیتهۆڤن، لەدویای مردنی لە ساڵ ١٨٢٧ لە تەمەن ٥٦ ساڵە لە ڤیێنا، دەرخست ک تویش بیماری جگر هاتگە، ک ئەو بیماریە فرەگەی لە ئەنجام نووشین مەی وە شیوەی گەورەیگ تیەێد.
ئەنجامە نووەیل نشان دەن ک کاریگەری میراتی و تویشهاتن ڤایرۆسی وەگەرد مەی نووشین لە پشت تویشهاتنی بویە.
تریستان بیج، زانای ئەنتەربیولۆژیا لە زانکۆی کەمبریج وت: رخ تویشهاتن بیتهۆڤن وە بیماری جگر لە میراتی بنچینەی بویە،
وەرجە ئی ئاشکراکردنە، نووشین مەی تەنیا نشانەیگ بوی ئەرا بیماریەگەی بیتهۆڤن.
بیتهۆڤن هەرلە تەمەن ٢٩ ساڵی، کەمکەم توانای ژنەفتن گووشی لەدەسدا، تا دی لە تەمەن ٤٤ ساڵە وەتەواوی کەڕ بوی، وەلێ وەگەرد ئەوەیش هەر لە ئاوازنویسن خوەی نەکەفت.
