دویای 8 ساڵ.. ئەنجلينا جۆلي وبراد بيت رەسنە یەکلاییکردن تەڵاقیان
شەفەق نیوز/ ئەنجلینا جۆلی خانمە ئەکتەر ئەمریکی، و براد بیت ئەکتەر، رەسینە یەکلاییکردن تەڵاقیان، وەگورەی قسەی پارێزەری، کە سنووریگ دیار ئەرا یەکیگ لە درویژترین کەیسەیل تەڵاق لە میژوو هۆڵیوود.
جەیمس سیمۆن پارێزەرە ئەنجلینا جۆلی وت: دوو هاوسەرەگە رەسینە ڕێککەفتن.
سیمۆن لە بەیاننامەیگ وت: یە زیاترە لە هەشت ساڵ، ئەنجلینا جۆلی داوای تەڵاق لە براد بیت کردگە، کە خوەی و مناڵەیل گشت موڵکیان کە وەگەرد براد هاوبەش لەلییان بوینە هیشتنە جی، و لەو وەختەو هویر خستە لای پەیاکردن ئاشتی و ئاسوودەیی، یە تەنیا یەک بەشە لە کاریگ دویر و درویژ وەردەوام کە وەرجە هەشت ساڵ دەسوەپی کرد، وەڕاسیەو، ئەنجلینا جۆلی شەکەتە، وەڵی هەس وە ئاسوودەیی کەێد چوینکە ئی بەشە رەسیە کۆتایی.
براد بیت و ئەنجلینا جۆلی لە ساڵ ٢٠١٤ سویر کردن، و شەش مناڵ دیرن.
جواب لە ساڵ ٢٠١٦ داوای تەڵاق کرد، و باس ناکۆکی ناوەینیان کرد.
ئەو ژن و شویە، کەفتنە ناو جەنگ تاڵیگ لەبان ئیوەتکردن مناڵەیل، و لە ساڵ ٢٠٢١ دادوەر ئیوەتکردن هاوبەش مناڵەیل دادە هەردوگ لایەن.
ئەو ژن و شوییە کە وەناو "برانجيلينا" ناسیان، لە توومارکردن فیلم "دوو هاوسەر سميث" لە ساڵ 2005 یەکەو گردن، و یە دویەم ژنخوازینە ئەرا براد بیت، کە وەرجەیە خانمە هەسارەی زنجیرەی Friends جنيڤەر ئەنيستون خوازیە، و سێیەم شویکردنە ئەرا جۆلی، دویای دوو ئەکتەر بيلی بۆب سورنتون، و جوني لی ميلەر.
