دانمارکییه‌یل، خه‌ڵات نویسه‌ر کوردێک کردن
شه‌فه‌ق نیوز- خڵات ئه‌ده‌بی لۆریالی، به‌خشریا وه ژنێگ کورد.
سارا عومه‌ر، نویسه‌ر کورد، وه‌ی خه‌ڵاتییه‌وه، بی وه یه‌کم نویسه‌ر کورد و خاوه‌رمیانه‌یی ک له رووژهه‌ڵات نامڕاس، ده دانمارک خڵات کریاگه.
ئی خڵاته له ساڵ 1949زاینییه‌و، هه‌ر ساڵ ددرێ وه نویسه‌ر و رخنه‌گره‌یل خاون کتاو.
نویسه‌ره‌یلێ ئی خڵاته دبه‌ن ک بتوانن خوه‌یان بخه‌نه وه‌ر چاو و رخنه‌گری و خوێنه‌ر فره‌یێگیش وه پیری خوه‌ێیان بیارن، ئه‌ڵبه‌ت خاسه یه‌یش بزانن ک هه‌ر نویسه‌رێ ده دریژای ژیان خوه‌ێ، هه دتوانێ یه‌کجار ئی خڵاته بوه‌ێ.
سارا، یه‌کم په‌نابه‌ره و نمامترین که‌سێگه ک ئی خڵاتیه وه‌ێ دریاگه.
ئه‌وی وه بوونه‌ی نووسانن رومان "مرده‌شوور" خڵاتی کریاگه ک باس فه‌رهه‌نگ کوردیاتییه و هن فه‌رهه‌نگ ژن‌کوشی هه‌م ها ده داستانه‌گه‌ی ئوو هشاره‌یلێ وه رێ و رێچه‌یل کوومه‌ڵایه‌تی و ئایینیه‌یلێ ک ده کوردستان و خاوه‌رمیانه، وڵات وه‌ر ئه‌و ئی کاره‌یله دبه‌ن، کردگه.
خووه بویشیمن ک ئی رومانه تا ئێسه وه چوار زوان (ئنگلیسی، ئاڵمانی، دانمارکی، سووئدی) ئه‌ڵگه‌ردیاگه‌و چگه‌سه ژێر چاپ و پانسه‌د هزار گله له‌ی فرووشریاگه و وه‌ێ نزیکییه‌یله له قه‌رار بکرێگه کوردییش
.
