داڵگ خانمە هونەرمەن کیژان ئیبراهیم کووچ دوایی کرد

شەفەق نیوز/ “نەسرین عومەر ئیسماعیل” هاوژین هونەرمەن ناودار كورد ئیبراهیم خەیات و داڵگ خانمە هونەرمەن کیژان ئیبراهیم  کووچ دویایی کرد.  

خانمە هونەرمەن، كیژان ئیبراهیم خەیات، دویەشەو لە هەشمار تایوەت وە خوەی لە تووڕ كۆمەڵایەتیی فەیسبووك کووچ دویایی داڵگی راگەیانیە و نوسایە، “دایە گیان پشتم شکانی، خوەزگەو بمردام و مەرگ تو نەژنەفتام.” 

نەسرین عومەر، داڵگ هونەرمەندەیل (كیژان، سۆران، جیهان، ژیان و گۆران ئیبراهیم خەیات)ە و بنەماڵەیگ ناودیار هونەریی  كوردن و هاوسەر هونەرمەن کووچکردگ ئیبراهیم خەیاتە. 

خانمە هونەرمەن، کیژان ئیبراهیم لە ساڵ 1985 لەداڵگبویە، ساڵانیگە لە مژار هونەر کار کەێد لە چەندین ئۆرکێسترای جەهانی بەشداری کردیە، کیژان لە خێزانیگ کوردی هونەری گەورەو بویە و بەشیگ فرە ئەندامەیل خێزانەگەی ئەکتەر و گورانیچڕن، هاوسەر شێوەکار ناسریاگ زیرەک میرەس.