دینا گورانی نوویگ بڵاو کەێد

شەفەق نیوز/  خانمە هونەرمەن گورانیچڕ دینا نووترین ڤیدیۆ کلیپ خوەی وەناو "تۆ بووی" بڵاوکرد، جۊر خەڵات سەرساڵ پیشکەش هەوادارەیلی کردیە.    

"تۆ بووی" نووترین کار هونەریی دینا، لە چەناڵ یوتیوب هەڵکەوت زاهیر بڵاوکریا، هۆنراوەی دینە خوەیە و هەڵکەوت زاهیر کار ئاوازدانان ئەرای کردیە، رێناس کورداخ کار ئەرەنجمێنتی ئەرای وەئەنجام رەسانیە، و وەلایەن بڕیار فەتاح دەرهێنان ئەرای کریایە.    

دینا یەکیگە لەو گورانیچرەیلە وەگەرد ئاوازدانەر هەڵکەوت زاهیر کارکەێد، خاوەن ئەلبوومیگ گورانی و چەن ڤیدیۆ کلیپیگە.