دەسکریا گەورەترین فیستیڤاڵ سینەمایی لە بۆرکینا فاسو
شەفەق نيوز/ لە دۊیەکە شەممە، دەسکریا گەورەترین فیستیڤاڵ سینەمایی لە ئەفریقا لە بۆرکینا فاسو، لەناو پەتای کۆڤید-١٩، و هیمان ژاوەژاوە توندڕەوەگە لەو دەوڵەت خوەرئاوای ئەفریقا وەردەوامە، ک لە ساڵەیل دۊیایین بۊیە خۆینی هەزاران کەس، و زیاتر لە یەک مەلیۆن کەسیش ئاوارە کرد.
ئەلیکس موسا خوداو وەرپرس فیستیڤاڵ "فيسباكو" ئەفریقا ئەرا سینەما و تەلەفزیۆن لە واگادوگو وت: سەرپەرشتیارەیلە خوازین لەبان ئەو سەختیەیلە نشان بیەن ک بۆرکینا فاسو هیمان توانای خەیاڵ لەڕی سینەما دیرێد.
وەرپرس فیستیڤاڵەگە ئەرا ئاژانس ئەسوشید پڕس وت: ئی کارە جۊر وەرخودانیگە چۊنکە لەسای رەوشەیلیگ ئەمنی و تەندروسی سەختیگ کریەێد.
فیستیڤاڵەگە ک تا یەک هەفتە وەردەوام بوود، کارەیل دەرهێنەرەیل ئەفریقا و بەرهەمەیل کشوەرەگە نمایش کەێد.
لەناو نزیکەی ١٢٠٠ فێلم، ٢٨٢ فیلم ئەرا رکابەری پەسەن کریا، و بەشیگیان لە فیستیڤاڵ کان و فیستیڤاڵ تۆڕینتۆ نمایش کریانە.
