دەرون کاروان ڤیدیۆ کلیپ نوویگ بڵاوکەێد
2023-08-04T15:12:10+00:00
شەفەق نیوز/ خانمە هونەرمەن گورانیچڕ دەرون کاروان نووترین کار هونەری خوەی وەشیوەی ڤیدیۆ کلیپ وە ناو "تۆ بۆ من بی" لە ئایندەیگ نزیک بڵاوکەێد.
هونەرمەن لە نووترین بڵاوکریایی لە هەشمار فەرمی خوەی لەبان تووڕ کۆمەڵایەتی ئنستاگرام بەشیگ لە کلیپەگەی بڵاوکردیە و ئويشێد، " هەڵبەت چشتیگ لە دڵ و گیان وتریاوێد وە ئاسانتر چوودە ناو دڵ مەردم".
بەرهەمەگە لە دەرهاوردن ئلتان نورییە، کار میلۆدی وەلایەن شێرزاد مەجیدی و ئەفشین شوکریی ئەرای کریایە، کار ئەرەنجمێنتەگەی وەلایەن هونەرمەن ئەفشین شوکری ئەنجامدریاس.
دەروون کاروان لەداڵگبوی وڵات سویدە و لە ئیسە لە کوردستان نیشتەجی بویە، "من ئەڕۆم" یەکەم بەرهەمیە ک جویر ڤیدیۆکلیپ بڵاو کردیە.
