خانمە گورانیچڕ دینا گورانیگ حەسەن زیرەک کردە ڤیدیۆ کلیپ
2023-01-31T09:59:45+00:00
شەفەق نیوز/ خانمە هونەرمەن گورانیچڕ دینا یەکیگ لە گورانی دیارەیل هونەرمەن دیار کورد حەسەن زیرەک وە شیوەی ڤیدیۆ کلیپ بڵاوکرد.
دینا لە چەناڵ یوتیوب هەڵکەوت زاهیر گورانی "ئامینێ گیان" هونەرمەن حەسەن زیرەک بڵاوکرد، لە کار دابەشکردن موزیک هەڵکەوت زاهیر و شەماڵ محەمەد ئارای کریایە، دەرهێنان بڕیار فەتاحە.
دینا، لە شار ڕانیە لە داڵگبویە و لە شار هەولێر دانشتگە، لە مانگ تەمووزی ٢٠١٧ دەس وە کار هونەری کردیە و یەکیگە لەو خانمە گوورانیچرەیلە ک هونەرمەن و ئاوازدانەر کوردستان ھەڵکەوت زاھیر، کار ھونەری ئەرای کەێد، خاوەن ئەلبوومیگ و چەند ڤیدیۆ کلیپیگە.
