خانمە هونەرمەنیگ گەنج مەرگ خوەی وەرجە مردنی بڵاو کەێد

شەفەق نیوز/ خانمە هونەرمەن سوری گەنج ئینجی موڕاد، ئمڕوو یەکشەممە، دویای چەن روژیگ لە خهفتنی لە خەسەخانە، گیانی لەدەسدا.

 داڵگ ئینجی وە پۆستیگ لەبان فەیسبووک پیشەی دویەتەی نویسان کە وت: داوای بەزەیی خودا ئەرا گیان دویەتەم بکەن.

وەرجە چەن رووژیگ، ئینجی لەبان ماڵپەڕ خوەی نویسان: داوای وەخشین کەم وەرەو مردن چم، تا دویای ئەوە شویەگەی لەبان خود ماڵپەڕ نویسان: من سامر شوی ئینجییم، فرە نزا ئەرای بکەن، ئینجی نزای ئیوە خوازێد، تەندروسیی سەختە، و ها ناوەین ژیان و مردن.

 هیمان مدووەیل مردنی ئاشکرا نەویە، بەشیگ لەبان سۆشیال میدیا باس تویشهاتنی وە ڤایرۆس سویە هاتگە، و ئینجی تاقانەی باوانیە، و خوەییش تەنیا دویەتیگ دیرێد.