خانمە شاعریگ عراقی دویا کووچی کەێد
شەفەق نیوز/ لەمیعە عەباس عمارە خانمە شاعر عراقی، ئمڕوو جمعە، لە تەمەن ٩٢ ساڵان دویای ململانەی وەرد بیماریەگەی، دویا کووچی کرد.
شاعرەیلیگ و کەسوکارەیل خانمە شاعرەگە، لەبان ماڵپەڕەیل پەیوەندیە کۆمەڵایەتیەکان پرسەی گووچکردن لەمیعە خان کردن.
لەمیعە عەباس عمارە، جوور ویستگەی گرنگیگە لە شعر عراقی، لە بنەماڵەی ناودار و رەسەنیگ پەیا لە بەغداد بوی، ک مامەی زەنگەر نوڤڕەی ناودار زەهرون عمارە بوی، و بنەماڵەگە لە ئاین سابئی مەندائی عراقی بوین لە خەڵک ناوچەی کرێمات لە ناوڕاس بەغداد کۆن.
بڕوانامەی ناوەندی گشتی لە بەغداد وەرگرد، و مووڵەت مامووستایل باڵا لە ساڵ ١٩٥٠ وەرگرد، و بویە مامووستا لە مەکتەو ماڵ خانمە مامووستایل، و لە ساڵ ١٩٥٥ لە ماڵ مامووستایل دەرچگ، و خوەی میمزای شاعر عێایر گووچکردگ عەبدولرەزاق عەبدولواحیده.
لە ساڵ ١٩٧٥ - ١٩٦٣ ئەندام لە دەسەی ئیداری بوی لە یەکێتی نووسەرەیل عراق لە بەغداد، و هەمیش ئەندام بوی لە دەسەی ئیداری کۆمەڵگەی سریانی لە بەغداد، و هەمیش خوەی جیگر نوێنەر هەمیشەییە لە رێکخراو یونسکۆ لە پاریس، و لە ساڵ ١٩٧٣ - ١٩٧٥ وەڕێۆبەر رووشنهویری و هونەرەیل بوی لە زانکۆی تەکنەلۆژی لە بەغداد، و لە ساڵ ١٩٧٤ لە دەوڵەت لوبنان پلەی (فارس) وەرگرد.
لە وەخت زوییگ لە ژیان خانمە شاعرەگە دەس وە شعر نووسین کرد، و گۆڤار سەمیر یەکەم شعر ئەرای بڵاو کرد هەنای خوەی لە تەمەن چواردە ساڵان بوی.
