ئەکتەر ناودیار کیلیان مورفی لە ئۆسکار نزیکەو بوود
2024-02-26T09:31:52+00:00
شەفەق نیوز/ ئەکتەر ناودیار ئێرلەندی کیلیان مورفی تا ئیسە ئەرا کارەکتەر رۆبێرت ئۆپنهایمەر لە فیلم ئۆپنهایمەر توەنستیە سێ خەڵاتی سەرەکی سینەمایی وەدەسبارێد، ئەوانیش گۆڵدن گڵۆبس و بافتا و خەڵات ساگ، چەوەڕێ کرێد خەڵات ئۆسکاریش بخەێدە بان دەسکەفتەیلی.
لەوەخت بەشەوکردن خەڵات ساگ، کیلیان مورفی توەنست خەڵات خاسترین ئەکتەری بوەێد ئەرا فلیم ئۆپنهایمەر، یەیشە لەدویای وەرگردن خەڵاتەیل گۆڵدن گڵۆبس و بافتا.
شارەزایەیل ئاشکەرایکردنە کیلیان پالێویاگ سەرەکیە ئەرا بەرندەبوین ەڵات ئۆسکار ئمساڵ جویر خاسترین ئەکتەر.
کیلیان مورفی ئەکتەر وەناوبانگ سینەمای هۆڵیوود و جیهانە، ساڵ ١٩٧٦ لە ئیرلەندا لەداڵگبویە و بەشداری چەندین فیلم و زنجیرەی وەناوبانگ کردیە، لە ناویان "پیکی بلایندەرس، ئۆپنهایمەر".
