یادگارییەێ جەنگ جەهانڕوو دە کرماشان

یادگارییەێ جەنگ جەهانڕوو دە کرماشان
2021-01-11T18:12:01+00:00

شەفەق نیوز- کوانەترین ماشین شار کرماشان، جیپێگە مودڵ 1942 زایەنی ک هێمانیش ئازا و بەزەڵ، دە خیاوانەێلەێ کرماشان، گل دیارێ.

کامیار دانشگر، خاون ئی ماشینە وتگە چوون ئەو کوانە‌ماشینەێلە ک هامداێ یە‌نە یانێ هن ئەێت موزەفەردین‌شاێ قاجارن، هە هانە مووزەێلە، دتوانیمن بویشیمن ک یە قەدیمیترین ماشینێگە ک هێمان ها دە نام خیاوان.

ئی جیپە، هە وەختێ ک ئاسمانە ساسە و واران وەشەن ووەفر و نم و تەڕ نییە، ئی ماشینە دیارننە دەر.

دانشگر وت: ئی ماشینە هن ئەرتش ئامریکا بییە و ئەوسا کارەێل نزامی و خابرکردن و کارەێلەێ خزمەتکاری وەێ ئەنجام دریاگە.

ئەو ک بەرپرس کومیتەێ ماشینەێل کڵاسیک کرماشانە دە دریژاێ قسەێلەێ وت: نەوەد ماشین کڵاسیک ها دە ئوستان کرماشان ک هەر ساڵ دە نمایشگاێلەمان بەشداری دکەن.

خووە بزانن؛ ماشینەێلێ ک سی ساڵ لە سازریانێیان چگە و دی کارخانەێلە لەیان نەدسازن، وەیان دویشن "ماشین کڵاسیک".

Shafaq Live
Shafaq Live