کابرایگ وە رێککەفتن تابلۆیگ سەردەم رینساس پەیاکەێد
2023-10-24T12:12:05+00:00
شەفەق نیوز/ کابرایگ وە رێککەفت تابلۆیگ سینێد باوجی بی ئاگا لەوە بویە کە میژوو تابلوگە ئەرا سەردەم رینساس گلەوخوەد.
ئاژانس فرانس پرێس لە راپۆرتیگ بڵاویکردیە راگەیان، شارەزایەیل فەرەنسی و ئیتاڵی ئەوە چەسپاننە تابلۆیگ ئمساڵ وەلایەن کابرایگ فەڕەنسی سەنیایە وە شیوەی ئۆنلاین، میژووەگەی چوودەو ئەرا سەردەم رافایلۆ سانزیۆ لە نیوان ساڵ 1483 ئەرا 1520، وەبی ئەوەگ ئەو کەسەگ فرووشتیەسێ هویچ لەیە بزانێد.
ئەو کابرایە تابلۆگە لە گەلەرییگ لە لەندەن وە 30 هەزار پاوەند کە کەێدە 36 هەزار دۆلار سەندیە و لە لێدوانیگ ئوشێد، " مەوقەیگ وینەی تابلۆگە لە ئینتەرنێت ئسفایکردم، یەکسەر سەنجم کیشا و مەوقەیگ تابلۆگەش وەرگردیمن ئەوەنگتر تویش ئەڵاجەوییم هات، هەرچەن وە راسی پیس بوی".
مەوقەی ئەو کەسە تابلۆگە وەرگرێد یەکسەر پەیوەندی وە تیم پسپۆڕەیل یونسکۆ لە شار فلۆرانس لە ئیتاڵیا کەێد، دویای ئەوە ئەندامەیلی پشت راسی کەن ئەو تابلۆ ئەرا سەردەم ڕافایلۆ سانزیۆ گلەوخوەێد.
