وێنە.. عەرەوانەیگ لە کەرکوک ٦ مەلیۆن وەیلکان و بازی مناڵەیل باریە

وێنە.. عەرەوانەیگ لە کەرکوک ٦ مەلیۆن وەیلکان و بازی مناڵەیل باریە
2021-06-15T14:18:08+00:00

شەفەق نیوز/ مەردمەیل پەنا وە شیوەیل جووراجوریگ ئەرا دەرکردن نان خوەیان و خیزانەیلیان دەن، و شایەت بەشیگیان فرە مەینەت و سەختی بیاشتان.

عەلی فلاتون ئی ری سەختە لە شار کەرکوک ئەرا خوەی پەسەن کرد.

فلاتون لە  ساڵ ١٩٧١، لە داڵگیگ کورد و باوگیگ تورکمان پەیا بویە، و خاوەن ٨ مناڵە و وەی عەرەوانەی پڕ لە وەیلکان و بازی مناڵەیل و پڕتاڵەیل نان خیزانەگەی دەرکەێد.

بار ئەو عەرەوانە ک لە رووژیگ ١٢ ساعەت ئی کابرا دەڵەکی دەێد و کڕی دەێدە بازاڕەیل، سەرسام ئایەم کەێد.

فلاتون ئەرا ئاژانس شەفەق نیوز ئوشێد: یە هەیشت ساڵە ئی عەروانە دەڵەک دەێد و نان خوەی لەبانی دەرکەێد، ک لە جادە ئەرا جادە و لەناو گەڕەکەیل شار کەرکوک گڕی دەێد.

وتیش؛ دریژی عەرەوانەگە لە ٦ مەتر زیاترە، وەلی فلاتون ئاشکرا کرد ک نزیکەی ٥ تا ٦ مەلیۆن پارچەی وەیلکان و بازی مناڵەیل لەناوی هەس.

وتیش؛ هیچ هاوکاری یا مووچەیگ لە حکومەت وەرنێگرێد، ئەراوە ناچارە ئەرا دەرکردن نان رووژانەی ئی عەورەوانە دەڵەک بەێد.

Shafaq Live
Shafaq Live