وە شەش رەفتار شاژن بەریتانیا پەیامەیل ژیوەژیر دێدە فەرمانبەرەیلی

وە شەش رەفتار شاژن بەریتانیا پەیامەیل ژیوەژیر دێدە فەرمانبەرەیلی
2021-11-20T10:24:30+00:00

شەفەق نیوز/ وەگورەی بڕێ لە پسپۆڕەیل لە باوەتەیل بنەماڵەی شاهی، ئەو پرتاڵەیلە ک شاژن ئێلیزابێت دۊیەم پەسەنیان کەئد، پەیامەیل ژیوەژیر لەناویان هەس.       

شاژن بەریتانیا زوانیگ تایبەت وەگەرد تیمەگەی لە مەوقەی دیادرەیل فەرمی وەکار تیارێد.      خانمە نۊسەر ماریسا لالیبرتی لە راپۆرتێگ لە گۆڤار دايجست" (readersdigest) ئەمریکی، بەشیگ لەو نشانەیل ژیوەژیرە کەکایەن شاژنەگە وەگەرد فەرمانبورەیلی خەێدە وەرچەو:       

 ١/ کیفەگەی لەی دەس خەێدە ئەو دەس       

ئەگەر بنووڕێە وێنەیل شاژن ئێلیزابێت دۊیەم،  شایەت بنووڕێ کبوەردەوام کیفەگەی لە مەوقەی قسەکردن خەێدە دەس چەۆی، ئەوەیش هەنای خوازێد یەکیگ لە تیمەگەی دەسبەێدە وەر و کۆتایی وە قسەکردنەگە بارێد.      

  ٢/ کیفەگەی خەێدە بان مێز    

نۊسەرەگە ئۊشێد؛ ئێلیزابێت قەت واز لە کیفەگەی نیارێد، و ئۊشن شۊنیگ ئەرا کیفەگەی لەژیر مێزەگە دیرێد.        

وەگورەی  (The Daily Telegraph) ئەگەر شاژنەگە کیفەگەی لە شۊنە دراورد و دانادەی بان مێزەگە، ئەوە خوازێد وەماوەی ٥ خولەک دانیشتنەگەی تەواو بکەێد.    

٣/ کیفەگەی دانەێدە زەۊی    

هەنای شاژن ئێلیزابێت کیفەگەی لەبدەسی دانەێدە زەۊی، ئەوە ئۊشێد ک قسەکردنەگە وەدڵی نییە، و دەسمیەتی خوازێد.    

٤/ کلکوانەگەی پیچ دەێد       

کەم جار هەس ک ئێلیزابێت وەبی دەسکیشەیلی دیار بەێد، و ئەگەر وەبی دەسکیش بۊی، کلکوانەگەی پیچ دەێد، مێژوونۊیس شاهانە هۆلۆگور فیکزەر ئەرا رووژنامەی (Daily Express) ئۊشێد؛ ئەو رەفتارە نشانەیگە ئەرا تیمەگەی ک خوازێد کۆتایی وە قسەکردنەگە بارێد.             

٥/ دەس نەێدە دوگمەی نادیاریگ     

هەنای میوانی گردەوبۊن فەرمییگ  لە کۆشک باكنغهام کەێد و خوازێد کۆتایی وەپی بارێد، دەسنەێدە دوگمەی نادیاریگ،  تا تیمەگەی ئاگادار بوون و دەرەیلە واز بکەنن    

٦/ پەسەنکردن پرتاڵ و ئیکسیسوارەیلی    

وەگورەی بڕێ لە پسپۆڕەیل لە باوەتەیل بنەماڵەی شاهی،  ئەو دڵنگەیلە ک شاژن ئێلیزابێت پەسەنیان کەێد، پەیام نادریایگ وەپیان رەسنێد، ک لە مەوقەی ریفراندۆم دەرچگن لە یەکێتی ئەوروپا لە ساڵ ٢٠١٧، کڵاویگ وە رەنگ نزیک لە رەنگەیل پەرچەم یەکێتی ئەوروپا لە سەری بۊی.

و فرە کەس نووڕستە دەمبووس نەخشەداریگ ک پاراک ئۆباما پیشکەشی ئەرای کردۊێد، جۊر پەیام نادیاریگ بۊی هەنای تڕامپ لە لەندەن سەردانی کرد.    

Shafaq Live
Shafaq Live