کوڵە چیروک
یەکێ چیەڕا لاێ ویلیام جیمز دەرۊنناس ناودار و دیاری ئامریکا وەتە پێ زەێنێ هەمیشە دەرگیر ویرگەێ گەن و ناکارا یا نەرێنیە.
جیمزیش وەتە پێ :لە ئیمشەوا کووشان بکە هەر وە مەیمۊنەیل ناو دارسان ویر یا فکر نەکەی.
سەردانکەر وە ئەڵاجەۊێگا وەت : م تا ئیمڕوو هەر وەی مژارە ویر نەکردمە.
جیمز وە جواوێ وەت : خوو خاسە! لە یەو دۊایش تەقەلا بکە ک ویر یا فکر نەکەی.
شەوا ک بی ئەو ئایەمە دی ک هەرچێ فرەتر کووشان کەێ ک وە مەیمۊن ویر نەکەێ، فرەتر تێدە زەێنیا.
سوو شەوەکی لە نوو چیەڕا لاێ جیمز و مەتەڵ یا چیرووک دۊەشەو ئەڕاێ گەپ دا . جیمزیش وەت : وەختی کووشان کەی وە چشتێ ویر نەکەی، ئەو مژارە وە شێوەی هەیتاهەیت و فرەترێ تێدە واهوو زەێند.
سە ئەڕا دۊری لە ویرگەی موزاحم و نەخوازراو یا ناکاو، کووشان بکە وە بان چشتەیلێ ک توای و ئەوەێ ک دووس دێری ئەڕاد باێدە دی، هۊردا بووە بانێ.
ئەو وەختە ویرگەی نەخوازراو یا ناکاو و ناکارا و نەرێنی دەرفەتێ ئەڕا سەر هەڵداین وە ناو زەێند نیەۊننا.
هەڵگەردان: سادق جەلیلیان
