وڵات میسر.. پەیاکردن جیماگەی کەشتییگ چوودەو ئەرا سەدەی سێیەم وەرجە زایینی
2023-08-07T08:18:06+00:00
شەفەق نیوز/ وەزارەت گەشتوگوزاری و ئاسەواری میسر، پەیاکردن جیماگەی کەشتییگ نقومبوی لە سەدەی سێیەم وەرجە زایینی راگەیان، ئەوەیش لە ناوچەیگ وە دویری ٦٥٠ مەتر لە کناراو پارێزگای مەترووح باکوور خوەرئاوای میسر.
بەیاننامەی وەزارەتەگە ئاشکرا کرد ک جیماگەیل چوو ئەو کەشتی نقومبویە و سەدان کویز پەیا کریا، ک مەزەنە کریەێد خوار کەشتیەگە داگە لە دوورگەیگ لە بن دەریا.
بەیاننامەگە دووپات کرد ک ئی پەیاکردنە مدوو نوویگ پیشکەش کەێد لە گرنگی ئی ناوچە وەلایەن بازرگانی و ئابووری لە سەدەی سێیەم وەرجە زایینی، ک بەندەرەیل بازرگانی فرەیگ لەناوی بوینە.
بەیاننامەگە وتیش؛ تیم ئاسەواری میسری ئاشکرا کرد ک ئی کەشتیە جویلەی بازرگانی ناوەین وڵات میسر و وڵاتەیل دەریای چەرمگ ناوڕاس نشان دەێد، کە ئەو سەردەمە کناراو باکوور وڵاتەگە نزیکەی ٣٠ ئاوای و شار و بەندەر لە سەردەم یۆنانی و رۆمانی بویە.
