ئەپڵ هوشداری دەێدە وەکارهاورەیل "ئایفۆن": خێرا نووەە بکەن وەنە پەیامەیلیان ئاشکرا بوود

شەفەق نیوز - وەدۊاچگن

کۆمپانیای ئەپڵ گاڵ وەکارهاورەیل مۆبایلەیل "ئایفۆن" دا ئەرا دامەزرانن دۊاترین نووەوکردن ئەرا سیستەم کارپیکردن iOS، وە هوشیارکردن لە کەلینە ئەمنییەیل کە شایەت ری وە هاککەرەیل بەێد بڕەسنە پەیام و گفتوگۆیەیل، لە ئەگەر نووەونەکردن ئامێرەیل.

 کۆمپانیاگە نووەوکردن "iOS 27.2.1" خستە کار، کە تایبەتمەنی نوو یا ئاڵشتکارییەیل گەورە لەخوەی نییەگرێد، وەلێ سەرنج خەێدە بان چارەسەرکردن گرفتەیل ئەمنی و کەلینەیل لە سیستەمەگە، کە ئەپڵ لە نووڕینەیل وەشانەگە ئاماژە دا وەرەو ئەوەگ کە چارەسەرکردن هەڵەیل و نووەوکردنەیل ئەمنی لەخوەی گرێد، وەبی ئاشکراکردن هۊردەکارییەیل ئەو کەلینەیلە.

وەپەی زانیارییەیل، بڕیگ لە کەلینەیل پەیوەندیدارن وە بەرنامەی "iMessage"، کە یەکیگیان شایەت رێ وە هاککەریگ بەێد بەشداری لە گفتوگۆیگ وەکۆمەڵ بکەێد وەبی داواکردن و چەوی بکەفێدە ئەو پەیامەیلە کە لەناوی ئاڵشت کریانە، لە وەختیگ کەلینیگ ترەک شایەد ری بەێد وە دۊنستن ئەو پەیامەیلە کە لەناوی گرووپەگە کل کریانە وەرجە ئەوەگ وەکارهاوەرەگە بچوودە ناوی.

هەمیش گرفتەیل میکانیزمەیل پەیوەندیکردن لە ناوەین ئامێرەیل ئەپڵ لەخوەیان گرن، کە لە ناویان دوو کەلین پەیوەندیدار وە تەکنەلۆژیای "بلووتووس"، کە یەکیگیان شایەت ری وە هاککەرەیل بەێد ئامێریگ بیتەل وەکار بارن ئەرا جیوەجیکردن کۆدیگ تایبەت لەبان ئامێر ئامانجدارەگە.

 لەبان رخباری ئی کەلینەیلە، ئەپڵ دووپات نەکرد وە کارهاوردن هیچیان وە شیوەیگ کردەیی لەلایەن هاککەرەیلەو، و راپۆرتەگە لە ئادەم بۆینتۆن، وەڕێوەبەر ستراتیژیی دامەزراوەیی یەکەم لە کۆمپانیای "Jamf" پسپۆڕ وە وەڕێوەبردن و پاراستن ئامێرەیل ئەپڵ، وت کە وت "باوەتەگە پەیوەندیدارە وە دامەزرانن نووەوکردنەگە وە خێرایی، نە وە دروسکردن رخ و دڵەڕاوکێ".

 وەکارهاورەیل تۊنن نووەوکردنەگە دابمەزرنن لەڕی چگنە ناو "رێکخستنەیل" (Settings)، دۊای ئەوە "گشتی" (General)، و هەڵوژاردن "نووەوکردن بەرنامەیل" (Software Update)، و هەمیش شایەد ئاگادارکردنەیل دەرکەفن کە داوای دامەزراننی کەن، یا وە شیوەیگ خوەکار دامەزرێد لەبان ئەو ئامێرەیلە کە تایبەتمەندی نووەوکردن خوەیکار لەلیان کارا کریاگە.

 نووەوکردن وەرین "iOS 27.2" بڕیگ لە خاسەوکردنەیل لەخوەی گردۊد، کە لە ناویان هازدارکردن توانای دەسمیەتیدەر دەنگی "Siri" لەبان وەهۊرهاوردن گفتوگۆیەیل وەرین، لە شان دەسکارییەیل لەبان هەردوگ بەرنامەی "Messages" و "Photos".