گەنجیگ ئەمریکی ریکۆردە میژوویەگەی ئارنۆڵد شکنێد
وەپای خەوەریگ کە لە رووژنامەی دەیلی مەیلی بەریتانی هاتیە، ساڵ ١٩٧٠ ئارنۆڵد لە تەمەن ٢٠ ساڵی توەنست ریکۆردەگە تووماربکەێد و خەڵات "مستەر یونیڤێرس" وەدەسبارێد، باوجی ئانتن لە تەمەن 19 ساڵی ئەو خەڵاتە بردەو، کەفتە نوای لەشجوان و ئەکتەرە نەمساویەگە.
ئانتن لە هەشمار، فەرمی خوەی نویسایە، "وەرد زاڵبوین وەبان فرەیگ لە ناخوەشیەیل لە ساڵ وەرین، نیەتوەنم ئەوەنە دووپاتیبکەم چەنێ گرنگە باوەڕ وە خوەد داشتوید و راستگو وەرد خوەد بمینید، گرنگ نییە ئەوانەیتر چەوەبان ئویشن".
خەڵات پاڵەوانێتی "مستەر یونیڤێرس" ساڵانە وەلایەن کۆمەڵەی نیشتمانی لەشجوانی بەریتانیاوە رێکخرێد، ساڵ ١٩٤٨ ئەرا یەکەمجار پاڵەوانێتییەگە رێکخریا و خەڵات وە جوانترین بازیکەر لەشجوانی ساڵ درێد، تا ئیسە هەریک لە رۆنی کۆڵیمان و لی هانیی خاوەن فرەترین بەرندەی ئەو خەڵاتەن کە هەریەکەیان هەشت جار بردنەسێ.
