کۆنترین هۆڵ ئۆپێرا لە جەهان
2023-04-28T08:01:56+00:00
شەفەق نیوز/ هۆڵ ئۆپێرای (سان کارلۆ)، یەکیگە لە هۆڵە کۆنەگان میوزیک ژەنەیل ئۆپێرا، ئێ هۆڵە کەفێدە شار ناپۆل لە وڵات ئیتاڵیا.
هۆڵەگە لە ساڵ 1737 لە سەردەم پاشا چارلس دروس کریایە، شەش نهۆم هاناوی، جی دانیشتن 29 هەزار کەس دیرێد، لە ناو هۆڵەگە وەرانوەر تەخت شانۆ لەناوەن بەرزی هۆڵەگە شوینیگ هەس ک تایبەت ئەرا پاشای وڵات دروسکریاگە، وە ئەوە ناسریەێد لەبان جی دانشتنەگە تاج گەپیگ هەس.
هۆڵەگە ئیرنگە وە روی گەشتیارەیل وازە، تا ئیسەیش کۆنسێرتەیل ئۆپێرا لەناوی ئەنجام دریەد و بلیت کۆنسێرتەگان لەناوی فروشیەد، و نرخ بلیتەگە وەپای شوینەگان ئاڵشتبوود.
